ഇന്ത്യന് സൂപ്പര് ലീഗ് ഏഴാം സീസണിന് നവംബര് 20-ന് തുടക്കം, ഉദ്ഘാടന മത്സരം ബ്ലാസ്റ്റേഴ്സ് - എ.ടി.കെ. ബഗാന്
നവംബര് 20-ന് ഇന്ത്യന് സൂപ്പര് ലീഗ് ഏഴാം സീസണിന് തുടക്കമാകും. ഐ.എസ്.എല്ലിന്റെ മത്സരക്രമവും വേദികളും ഇന്നലെ പ്രഖ്യാപിച്ചു. കോവിഡ്-19 വൈറസ് മഹാമാരിയുടെ പശ്ചാത്തലത്തില് ഗോവയിലാണ് മത്സരങ്ങള്.
ഉദ്ഘാടന മത്സരത്തില് 20-ാം തീയതി കേരള ബ്ലാസ്റ്റേഴ്സും നിലവിലെ ചാമ്പ്യന്മാരായ എ.ടി.കെ. മോഹന് ബഗാനും ഏറ്റുമുട്ടും. 11 ടീമുകളാണ് ഏഴാം സീസണില് കിരീടം തേടുന്നത്. റൗണ്ട് റോബിന് അടിസ്ഥാനത്തില് 115 മത്സരങ്ങളുണ്ടാകും.
ഐ.എസ്.എല്ലില് ആദ്യമായാണ് 11 ടീമുകള് പങ്കെടുക്കുന്നത്. പോയിന്റ് പട്ടികയിലെ ആദ്യ നാലു സ്ഥാനക്കാര് പ്ലേ ഓഫില് കളിക്കും. കഴിഞ്ഞ രണ്ടു സീസണുകളിലും ബ്ലാസേ്റ്റഴ്സും എ.ടി.കെയും തമ്മിലായിരുന്നു ഉദ്ഘാടന മത്സരം. നവംബര് 26-ന് നോര്ത്ത് ഈസ്റ്റ് യുണൈറ്റഡിനെതിരേയാണു ബ്ലാസേ്റ്റഴ്സിന്റെ രണ്ടാം മത്സരം. ഡിസംബര് 13-നാണ് കേരള ബ്ലാസേ്റ്റഴ്സ് ബെംഗളൂരു എഫ് സി ആദ്യ പോരാട്ടം നടക്കുക. ആദ്യ ദിവസത്തെ മത്സരത്തില് സന്ദേശ് ജിങ്കന് ബ്ലാസേ്റ്റഴ്സിനെതിരേ ഇറങ്ങും എന്ന പ്രത്യേകതയുണ്ട്. മോഹന് ബഗാന്റെ മുന് കോച്ച് കിബു വികൂനയാണ് ബ്ലാസേ്റ്റഴ്സിനെ പരിശീലിപ്പിക്കുന്നത്.
എ.ടി.കെ. കൊല്ക്കത്തയും മോഹന് ബഗാനും തമ്മില് ലയിച്ച ശേഷം നടക്കുന്ന ആദ്യ ഐ.എസ്.എല്. സീസണ് കൂടിയാണിത്. നവംബര് 27 ന് കൊല്ക്കത്ത ടീമുകളുടെ മത്സരം നടക്കും. മോഹന് ബഗാനും ഈസ്റ്റ് ബംഗാളും നേര്ക്കുനേര് വരും. ഈസ്റ്റ് ബംഗാളും ഐ.എസ്.എല്ലില് പുതുമുഖമാണ്.
ഇപ്പോള് പുറത്ത് വിട്ടത് ആദ്യ 11 റൗണ്ടുകളിലെ മത്സരക്രമമാണ്്. 55 ലീഗ് മത്സരങ്ങളുടെ പട്ടിക ഡിസംബറില് പുറത്തുവിടും. ദിവസവും രാത്രി 7.30 മുതലാണു മത്സരങ്ങള്. ഞായറാഴ്ചകളില് രണ്ട് മത്സരങ്ങളും നടക്കും. ഈസ്റ്റ് ബംഗാളിന്റെ വരവോടെയാണ് ലീഗില് 11 ടീമുകള് ആയത്.ഗോവയില് മൂന്ന് വേദികളായാണു മത്സരങ്ങള്.
ഗോവയിലെത്തിയ ടീമുകള് ക്വാറന്റൈയിനിലാണ്. നവംബര് 14 വരെ പ്രീ സീസണ് മത്സരങ്ങളുണ്ടാകും. തുടര്ച്ചയായ മൂന്നാം സീസണിലാണ് ഉദ്ഘാടന മത്സരത്തില് ബ്ലാസ്റ്റേഴ്സിന് എ.ടി.കെയുമായി കൊമ്പുകോര്ക്കേണ്ടി വരുന്നത്. സീസണിലെ മുഴുവന് മത്സരങ്ങളും അടച്ചിട്ട സ്റ്റേഡിയങ്ങളിലാണ്. ടീമുകള് ടൂര്ണമെന്റ് കഴിയുന്നതു വരെ ബയോ ബബിളിനകത്തായിരിക്കും.
https://www.facebook.com/Malayalivartha