ഐ.എസ്.എല്ലില് കേരള ബ്ളാസ്റ്റേഴ്സിന് ആദ്യ ജയം; ഹൈദരാബാദിനെ 2-0ത്തിന് തോല്പ്പിച്ചു
ഐ.എസ്.എല് ഏഴാം സീസണിലെ ഏഴാം മത്സരത്തില് തങ്ങളുടെ ആദ്യ ജയം നേടി കേരള ബ്ളാസ്റ്റേഴ്സ്.ഇന്നലെ നടന്ന മത്സരത്തില് ഏകപക്ഷീയമായ രണ്ടു ഗോളുകള്ക്ക് ഹൈദരാബാദ് എഫ്.സിയെയാണ് മഞ്ഞപ്പട കീഴടക്കിയത്. 30-ാം മിനിട്ടില് അബ്ദുല് ഹക്കുവാണ് ആദ്യഗോള് നേടിയത്. 88-ാംമിനിട്ടില് ജോര്ദാന് മുറെ രണ്ടാം ഗോള് നേടി.
ഹൈദരാബാദിന്റെ മുന്നേറ്റത്തോടെയാണ് മത്സരം തുടങ്ങിയതെങ്കിലും ബ്ളാസ്റ്റേഴ്സ് പതിയെ പിടിച്ചുകയറുകയായിരുന്നു.16-ാം മിനിട്ടില് നിഷുകുമാറിലൂടെയായിരുന്നു ബ്ളാസ്റ്റേഴ്സിന്റെ ആദ്യ ആക്രമണം. എന്നാല് നിഷുവിന്റെ ഷോട്ട് ഹൈദരാബാദ് പ്രതിരോധം തടുക്കുകയായിരുന്നു.20-ാം മിനിട്ടില് സഹല് അബ്ദുല് സമദ് മഞ്ഞക്കാര്ഡ് കണ്ടു.തുടര്ന്ന് ഹൈദരാബാദിന് ഒന്നുരണ്ട് നല്ല അവസരങ്ങള് തുടര്ച്ചയായി ലഭിച്ചെങ്കിലും ബ്ളാസ്റ്റേഴ്സ് ഭാഗ്യത്തിന് രക്ഷപെട്ടു.
കളി അരമണിക്കൂറിലെത്തിയപ്പോഴാണ് വഴിത്തിരിവായ ഗോള് വീണത്.ഒരു കോര്ണര് കിക്കില് നിന്ന് ഫകുന്ഡോ പെരേയ്ര നല്കിയ ക്രോസാണ് അബ്ദുല് ഹക്കു ബോക്സിന്റെ നടുവില് നിന്നുള്ള തകര്പ്പന് ഹെഡറിലൂടെ ഹൈദരാബാദിന്റെ വലയിലെത്തിച്ചത്. തൊട്ടുപിന്നാലെ ഹക്കു വീണ്ടും ഗോളിനായി ശ്രമിച്ചെങ്കിലും ജോര്ദാന് മുറെ ഓഫ്സൈഡായത് വിനയായി.
രണ്ടാം പകുതിയുടെ തുടക്കത്തിലേ ബ്ളാസ്റ്റേഴ്സ് നിരന്തരം അക്രമണം അടിച്ചുവിട്ടു.സഹല്,രാഹുല് ,വിന്സന്റെ ഗോമസ്,ജെസെല് കാര്ണേയ്റോ,മുറെ എന്നിവരാണ് ബ്ളാസ്റ്റേഴ്സിനായി മികച്ച ശ്രമങ്ങള് നടത്തിയത്.വിജയത്തോടെ ആറുപോയിന്റായ ബ്ളാസ്റ്റേഴ്സ് ഒന്പതാം സ്ഥാനത്താണ്.
https://www.facebook.com/Malayalivartha