ദേശിയ കായിക ദിനത്തിൽ കേരളത്തിന്റെ സ്വന്തം പയ്യോളി എക്സ്പ്രെസ്സിനെ ഓർമിപ്പിച്ച് സച്ചിന്റെ ട്വീറ്റ്; ക്രിക്കറ്റ് ദൈവത്തിന് നന്ദിയറിയിച്ച് പി ടി ഉഷ
ഇന്ത്യ കണ്ട എക്കാലത്തെയും മികച്ച ഓട്ടക്കാരിയാണ് പി ടി ഉഷ . പദ്മശ്രീയും അർജുന അവാർഡും നൽകി രാജ്യമാദരിച്ച പി ടി ഉഷ ഇപ്പോൾ വളർന്നു വരുന്ന കായിക താരങ്ങൾക്കായി ഉഷ സ്കൂൾ ഓഫ് അത്ലറ്റിക്സ് നടത്തുകയാണ്. പലപ്പോളും ആളുകൾ ഒരു കാലത്ത് താരമായിരുന്ന രാജ്യത്തിൻറെ അഭിമാനമായിരുന്ന താരങ്ങളെ മറക്കുകയാണ് പതിവ് . എന്നാൽ ഇന്ത്യയുടെ മറ്റൊരു അഭിമാനമായ സച്ചിൻ ടെണ്ടുൽക്കർ ദേശിയ കായിക ദിനത്തിൽ ഓർമിച്ചത് പി ടി ഉഷയെ ആണ്.
എൺപതുകളിൽ താൻ ക്രിക്കറ്റിൽ അരങ്ങേറുന്ന സമയത്ത് ഇന്ത്യയിൽ കേരളത്തിലെ ഒരു ചെറിയ ഗ്രാമത്തിൽ നിന്നെത്തി ചരിത്രപരമായ ചുവടു വച്ച കായിക പ്രതിഭയയായണ് പി ടി ഉഷയെ സച്ചിൻ ടെണ്ടുൽക്കർ ഓർമ്മിക്കുന്നത്.
കേരളത്തിന്റെ സ്വന്തം പയ്യോളി എക്സ്പ്രെസ്സിനെ സച്ചിൻ ട്വിറ്ററിൽ കുറിച്ചപ്പോൾ അത് സന്തോഷത്തോടെ മറ്റുള്ളവർക്കായി പങ്കു വെക്കാൻ പി ടി ഉഷ മറന്നില്ല. സച്ചിന്റെ വാക്കുകൾക്ക് നന്ദി പറഞ്ഞു കൊണ്ടാണ് പി ടി ഉഷ സച്ചിൻ ടെണ്ടുൽക്കറുടെ ട്വീറ്റ് പങ്കു വച്ചത് .
https://www.facebook.com/Malayalivartha