യൂറോപ്പ ലീഗില്‍ ചെല്‍സിക്ക് തകര്‍പ്പന്‍ ജയം, മത്സരത്തിലുടനീളം ആധിപത്യം പുലര്‍ത്തി ചെല്‍സി
08 MARCH 2019 12:38 PM IST
മലയാളി വാര്‍ത്ത
യൂറോപ്പ ലീഗില്‍ ചെല്‍സിക്ക് തകര്‍പ്പന്‍ ജയം. സ്റ്റാംഫോര്‍ഡ് ബ്രിഡ്ജില്‍ നടന്ന ആദ്യപാദ പ്രീക്വാര്‍ട്ടര്‍ മത്സരത്തില്‍ ഉക്രെയിന്‍ ക്ലബ് ഡൈനാമോ കീവിനെ കീഴടക്കി. എതിരില്ലാത്ത മൂന്ന് ഗോളുകള്‍ക്കാണ് ചെല്‍സിയുടെ ജയം. മത്സരത്തിലുടനീളം ചെല്‍സിയാണ് ആധിപത്യം പുലര്‍ത്തിയത്.
17ാം മിനിറ്റില്‍ പെഡ്രോയിലൂടെചെല്‍സി ഗോള്‍വേട്ടയ്ക്ക് തുടക്കമിട്ടു. ജിറൂദിന്റെ ഫ്‌ലിക്ക് പെഡ്രോ വലയിലാക്കി. രണ്ടാം പകുതിയില്‍ 65ാം മിനിറ്റില്‍ വില്യനിലൂടെ ചെല്‍സി ലീഡ് ഉയര്‍ത്തി. 90ാം മിനിറ്റില്‍ പകരക്കാരനായി ഇറങ്ങിയ ഹഡ്‌സണ്‍ ഒഡോയിലൂടെ ചെല്‍സി ഗോള്‍ പട്ടിക പൂര്‍ത്തിയാക്കി. മാര്‍ച്ച് 14ന് ഡൈനാമോ കീവിന്റെ തട്ടകത്തിലാണ് രണ്ടാംപാദ മത്സരം.
ഇന്നത്തെ വിജയം ഡൈനാമോ കീവിനെതിരെ ചെല്‍സിക്ക് രണ്ടാം പാദത്തില്‍ മുന്‍തൂക്കം നല്‍കും.
അപ്പപ്പോഴുള്ള വാര്‍ത്തയറിയാന്‍ ഞങ്ങളുടെ ഫേസ്‌ബുക്ക്‌ പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
