കേരള സ്പോര്ട്സ് കൗണ്സില് നിയമ ഭേദഗതി ഹൈക്കോടതി ഡിവിഷന് ബെഞ്ചും ശരിവെച്ചു
കേരള സ്പോര്ട്സ് കൗണ്സില് നിയമത്തില്, കൗണ്സില് പുനഃസംഘടനയുടെ ഭാഗമായി സംസ്ഥാന സര്ക്കാര് കൊണ്ടുവന്ന ഭേദഗതി ഹൈകോടതി ഡിവിഷന് ബെഞ്ചും ശരിവെച്ചു.
സര്ക്കാര് നടപടി ശരിവെച്ച സിംഗിള്ബെഞ്ച് ഉത്തരവ് ചോദ്യം ചെയ്ത് കൊല്ലം, കോട്ടയം, മലപ്പുറം, കാസര്കോട് ജില്ല സ്പോര്ട്സ് കൗണ്സില് പ്രസിഡന്റുമാര് നല്കിയ അപ്പീല് തള്ളിക്കൊണ്ടാണ് ഉത്തരവ്.
ഭേദഗതിയുടെ ഭാഗമായി ജില്ല സ്പോര്ട്സ് കൗണ്സില് പ്രസിഡന്റുമാരെ മാറ്റിയിരുന്നു. ഇത് ചോദ്യം ചെയ്താണ് നാല് ജില്ലകളിലെ പ്രസിഡന്റുമാര് കോടതിയെ സമീപിച്ചത്.
നാമനിര്ദേശത്തിലൂടെ വന്ന അംഗങ്ങള് തുടരുന്നതിനുപകരം തെരഞ്ഞെടുപ്പു നടത്താനാണ് ഭേദഗതി കൊണ്ടുവന്നതെന്നും ഇതു നിയമവിരുദ്ധമാണെന്നോ സ്വേച്ഛാപരമാണെന്നോ പറയാനാവില്ലെന്നും കോടതി വ്യക്തമാക്കി.
നോമിനേഷനിലൂടെ വന്ന അംഗങ്ങളുടെ കാലാവധി കഴിയുന്നതുവരെ ഭേദഗതി കൊണ്ടുവരാനാവില്ലെന്ന വാദം അംഗീകരിക്കാനാവില്ല. ഇക്കാര്യങ്ങള് വ്യക്തമാക്കിയുള്ള സിംഗിള്ബെഞ്ച് ഉത്തരവില് ഇടപെടാന് കാരണമില്ലെന്ന് ഡിവിഷന് ബെഞ്ച് വ്യക്തമാക്കി.
https://www.facebook.com/Malayalivartha