ഈമാസം 19 മുതല്‍ 24 വരെ ഹോങ്കോങ്ങില്‍ നടക്കുന്ന രണ്ടാമത് ഏഷ്യന്‍ മിക്‌സഡ് ടീം ബാഡ്മിന്റണ്‍ ചാമ്പ്യന്‍ഷിപ്പിനുള്ള 13 അംഗ ഇന്ത്യന്‍ ടീമിനെ മലയാളി താരമായ ലോക 24ാം നമ്പര്‍ എച്ച്.എസ്. പ്രണോയ് നയിക്കും. മുന്‍നിര താരങ്ങളായ കിഡംബി ശ്രീകാന്ത്, പി.വി. സിന്ധു, സൈന നെഹ്‌വാള്‍ എന്നിവരുടെ അഭാവത്തിലാണ് പ്രണോയ്ക്ക് ടീമിനെ നയിക്കാന്‍ അവസരം ലഭിച്ചത്. മലയാളി താരങ്ങളായ അരുണ്‍ ജോര്‍ജ്, എം.ആര്‍. അര്‍ജുന്‍, ആരതി സാറ സുനില്‍ ടീമിലുണ്ട്. 2018 ഏഷ്യന്‍ ചാമ്പ്യന്‍ഷിപ്പിലെ വെങ്കല മെഡല്‍ ജേതാവായ പ്രണോയിയെ കൂടാതെ സൗരഭ് വര്‍മയാണ് ടീമിലെ മറ്റൊരു പരിചയസമ്പന്നായ താരം.

എം.ആര്‍. അര്‍ജുന്‍ഷലോക് രാമചന്ദ്രന്‍, അരുണ്‍ ജോര്‍ജ്‌സന്യം ശുക്ല ഡബിള്‍സ് ടീമുകളും മികച്ച പ്രതീക്ഷയാണ്. 11 ടീമുകളുടെ നാല് ഗ്രൂപ്പുകളാക്കി തിരിച്ചാണ് മത്സരം. എല്ലാ ഗ്രൂപ്പിലെയും മികച്ച രണ്ടു സ്ഥാനക്കാര്‍ ക്വാര്‍ട്ടര്‍ ഫൈനലിലേക്ക് മുന്നേറും.
ചൈനീസ് തായ്‌പേയിക്കും സിംഗപ്പൂരിനുമൊപ്പം ബി ഗ്രൂപ്പിലാണ് ഇന്ത്യ. കഴിഞ്ഞതവണ ക്വാര്‍ട്ടറിലെത്തിയ ഇന്ത്യ തായ്‌ലന്‍ഡിനോട് തോല്‍ക്കുകയായിരുന്നു. ടീം: എച്ച്.എസ്. പ്രണോയ്, സൗരഭ് വര്‍മ, എം.ആര്‍. അര്‍ജുന്‍, ഷലോക് രാമചന്ദ്രന്‍, അരുണ്‍ ജോര്‍ജ്, സന്യം ശുക്ല, അഷ്മിത ചാലിഹ, വൈഷ്ണവി ഭാലെ, ശിഖ ഗൗതം, അശ്വിനി കെ. ഭട്ട്, ഋതുപര്‍ണ പാണ്ഡ, ആരതി സാറ സുനില്‍, യു.കെ. മിഥുല.