ഇന്ത്യന് ഫുട്ബോള് ടീം മുന് ക്യാപ്റ്റന് വി പി സത്യന്റെ ഓര്മയ്ക്കായി ജന്മനാടായ തലശേരിയില് സ്മാരകം നാളെ ഉയരും
03 MAY 2019 10:40 AM IST
മലയാളി വാര്ത്ത
ഇന്ത്യന് ഫുട്ബോള് ടീം മുന് ക്യാപ്റ്റന് വി പി സത്യന്റെ ഓര്മയ്ക്കായി ജന്മനാടായ തലശേരി മേക്കുന്നില് ഒരുക്കിയ സ്മാരക മന്ദിരം മന്ത്രി ഇ പി ജയരാജന് ഉദ്ഘാടനം ചെയ്യും. വി പി സത്യന് സ്മാരക ട്രസ്റ്റാണ് മന്ദിരമൊരുക്കിയത്. നാളെ വൈകിട്ട് നാലിന് നടക്കുന്ന ചടങ്ങില് സത്യന്റെ ജീവിതത്തെ ആസ്പദമാക്കി നിര്മിച്ച സിനിമ 'ക്യാപ്റ്റ'നിലെ നായകന് നടന് ജയസൂര്യയെ ആദരിക്കുമെന്ന് ഭാരവാഹികള് വാര്ത്താസമ്മേളനത്തില് പറഞ്ഞു.എ എന് ഷംസീര് എംഎല്എ സത്യന്റെ ഫോട്ടോ അനാച്ഛാദനം ചെയ്യും. സത്യന് ട്രസ്റ്റുമായി ബന്ധപ്പെട്ട് പ്രവര്ത്തിച്ചവരെയും ആദരിക്കും.
ഐ എം വിജയന്, വി പി ഷാജി, സി കെ വിനീത്, അനസ് എടത്തൊടിക, രാഹുല് വി രാജ് തുടങ്ങിയ ഫുട്ബോള് താരങ്ങള് ചടങ്ങിനെത്തും. വാര്ത്താസമ്മേളനത്തില് കെ സുരേന്ദ്രന്, കെ സി രവീന്ദ്രന്, വി പി സനില് എന്നിവര് പങ്കെടുത്തു.
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
