മുന്‍ ചാമ്പ്യന്‍ റഷ്യയുടെ മരിയ ഷറപ്പോവ ഇത്തവണ ഫ്രഞ്ച് ഓപ്പണിനില്ല. നാളുകളായി തുടരുന്ന തോളിലെ പരിക്കിനെ തുടര്‍ന്നാണ് ഫ്രഞ്ച് ഓപ്പണില്‍നിന്ന് താരം പിന്‍മാറിയത്. ഈ വര്‍ഷം ജനുവരിക്കു ശേഷം ഷറപ്പോവ കളത്തിലിറങ്ങിയിട്ടില്ല.
ഫെബ്രുവരിയില്‍ പരിക്കിനെ തുടര്‍ന്ന് ചെറിയ ശസ്ത്രക്രിയ നടത്തിയിരുന്നു. ഫ്രഞ്ച് ഓപ്പണ്‍ മേയ് 26 മുതല്‍ ജൂണ്‍ ഒമ്പത് വരെയാണ് നടക്കുന്നത്. 2012, 2014 എന്നീ വര്‍ഷങ്ങളില്‍ ഷറപ്പോവയായിരുന്നു ഫ്രഞ്ച് ഓപ്പണ്‍ ചാമ്പ്യനായത്. കഴിഞ്ഞ വര്‍ഷം ക്വാര്‍ട്ടറില്‍ പുറത്തായി. ഗാര്‍ബിനെ മുഗുരസയായിരുന്നു ഷറപ്പോവയെ പരാജയപ്പെടുത്തിയത്.