ശ്രീലങ്കക്കെതിരായ ആദ്യ ഏകദിനത്തിലെ തോല്‍വിക്ക് പിന്നാലെ ബംഗ്‌ളാദേശിന് മറ്റൊരു തിരിച്ചടിയും . സ്ലോ ഓവര്‍ റേറ്റിന്റെ പേരില്‍ ബംഗ്ലാദേശില്‍ നിന്ന് പിഴ ഈടാക്കാന്‍ ഐ.സി.സി തീരുമാനിച്ചു. 50 ഓവര്‍ പൂര്‍ത്തിയാക്കാന്‍ ബംഗ്‌ളദേശ് നാല് മണിക്കൂറും 7 മിനുട്ടും എടുത്തിരുന്നു.
ഇത് പ്രകാരം ടീം നിശ്ചിത സമയത്ത് തീര്‍ക്കേണ്ടതിനേക്കാള്‍ രണ്ട് ഓവര്‍ കുറവ് എറിഞ്ഞതായി കണ്ടെത്തുകയായിരുന്നു. മത്സരത്തില്‍ ബംഗ്ലാദേശ് 91 റണ്‍സിന് തോല്‍ക്കുകയും ചെയ്തിരുന്നു. ഇത് പ്രകാരം ഒരു ഓവറിന് താരങ്ങള്‍ക്ക് 10 ശതമാനവും ക്യാപ്റ്റന് 20 ശതമാനം പിഴയുമാണ് ഈടാക്കുക. ഇത് പ്രകാരം ക്യാപ്റ്റന്‍ ആയിരുന്ന തമിം ഇക്ബാലിന് മാച്ച് ഫീയുടെ 40 ശതമാനവും മറ്റു താരങ്ങള്‍ക്ക് 20 ശതമാനവുമാണ് പിഴ.

ക്യാപ്റ്റന്‍ എന്ന നിലയില്‍ തമിം ഇക്ബാലിന്റെ ആദ്യ മത്സരം കൂടിയായിരുന്നു ഇത്. പരമ്പരയിലെ രണ്ടാമത്തെ മത്സരം ഇന്ന് നടക്കും.