ഇന്ത്യയുടെ അഭിമാനം ഉയര്‍ത്തിയ പി.വി. സിന്ധുവിന് സമ്മാനമായി ബിഎംഡബ്ല്യു
ഇന്ത്യയുടെ അഭിമാനമായ ഒളിംപിക്‌സില്‍ വെള്ളിമെഡല്‍ ജേതാവ് പി.വി. സിന്ധുവിന് സമ്മാനങ്ങളുടെ പെരുമഴ. ഹൈദരാബാദ് ജില്ലാ ബാഡ്മിന്റന്‍ അസോസിയേഷന്‍ പ്രസിഡന്റ് വി ചാമുണ്ഡേശ്വരനാഥ് സിന്ധുവിന് ബിഎംഡബ്ല്യു കാറാണ് സമ്മാനമായ് വാഗ്ദാനം ചെയ്തിരിക്കുന്നത്.
കൂടാതെ സിന്ധുവിന് പുത്തന്‍ കാര്‍ സമ്മാനമായി നല്‍കും എന്ന് രാജ്യത്തെ ഏറ്റവും വലിയ യുട്ടിലിറ്റി വെഹിക്കിള്‍ നിര്‍മാതാക്കളായ മഹീന്ദ്ര ആന്‍ മഹീന്ദ്രയുടെ ചെയര്‍മാന്‍ ആനന്ദ് മഹീന്ദ്ര ട്വിറ്ററിലൂടെ അറിയിച്ചിരുന്നു.
തെലുങ്കാന സര്‍ക്കാര്‍ ഒരു കോടിയും, ബാഡ്മിന്റന്‍ അസോസിയേഷന്റെ വക 50 ലക്ഷവും, മധ്യപ്രദേശ് ഗവണ്‍മെന്റിന്റെ വകയായുള്ള 50 ലക്ഷംവും സിന്ധുവിനു ലഭിച്ച മറ്റു വാഗ്ദാനങ്ങളാണ്.
ഒളിംപിക്‌സിലെ ആവേശകരമായ പോരാട്ടത്തിനൊടുവില്‍, വനിതാ ബാഡ്മിന്റന്‍ സിംഗിള്‍സ് ഫൈനലില്‍ തോറ്റെങ്കിലും സിന്ധു വെള്ളി നേട്ടത്തോടെ ചരിത്രമെഴുതുകയായിരുന്നു.
സ്വര്‍ണ്ണത്തേക്കാള്‍ വിലയുള്ള വെള്ളി എന്നാണ് ഇന്ത്യന്‍ കായിക ലോകം ആ മെഡലിനെ വിശേഷിപ്പിക്കുന്നത്. ലോക ഒന്നാം നമ്പര്‍ താരം സ്‌പെയിനിന്റെ കരോലിന മരിനോടു പരാജയപ്പെട്ട സിന്ധു, ഒളിംപിക്‌സില്‍ വെള്ളിമെഡല്‍ നേടുന്ന ആദ്യ ഇന്ത്യന്‍ വനിതയാണ്.
https://www.facebook.com/Malayalivartha
