സി.കെ. വിനീതിന് സെക്രട്ടറിയേറ്റ് അസിസ്റ്റന്റായി നിയമനം, ചിത്രയ്ക്കും സര്‍ക്കാര്‍ സഹായം
മതിയായ ഹാജര്‍ ഇല്ലെന്ന കാരണത്താല്‍ ഏജീസ് ഓഫീസില്‍ നിന്ന് പിരിച്ചു വിടപ്പെട്ട രാജ്യാന്തര ഫുട്‌ബോള്‍ താരം സി.കെ.വിനീതിന് സംസ്ഥാന സര്‍ക്കാര്‍ ജോലി നല്‍കും. സെക്രട്ടേറിയറ്റ് അസിസ്റ്റന്റായാണ് വിനീതിനെ നിയമിക്കാന്‍ ഇന്ന് ചേര്‍ന്ന മന്ത്രിസഭായോഗം തീരുമാനിച്ചത്. ഇതോടൊപ്പം, ഭുവനേശ്വറില്‍ നടന്ന ഏഷ്യന്‍ അത്‌ലറ്റിക് ചാമ്പ്യന്‍ഷിപ്പില്‍ സ്വര്‍ണം നേടിയ പി.യു.ചിത്രയ്ക്കും സഹായം നല്‍കും.
പ്രത്യേക സ്‌കീമില്‍പെടുത്തി ചിത്രയ്ക്ക് 10,000 രൂപ പ്രതിമാസവും പ്രതിനിദിനം 500 രൂപ അലവന്‍സ് ഇനത്തിലും നല്‍കാനും മന്ത്രിസഭ തീരുമാനിച്ചു.
അക്കൗണ്ടന്റ് ജനറല്‍ ഓഫീസില്‍ ഓഡിറ്ററായി സ്‌പോര്‍ട്‌സ് ക്വാട്ടയില്‍ നാലര വര്‍ഷം മുന്പ് വിനീത് ജോലി നോക്കിയിരുന്നു. എന്നാല്‍, ഇന്ത്യന്‍ സോക്കര്‍ ലീഗിലും ദേശീയ ടീമിലും സജീവമായതോടെ വിനീതിന് ഓഫീസിലെത്താന്‍ കഴിയാതെ വന്നത്. തുടര്‍ന്നാണ് ഹാജരില്ലെന്ന് ചൂണ്ടിക്കാട്ടി ജോലിയില്‍ നിന്ന് വിനീതിനെ പിരിച്ചുവിട്ടത്. സംസ്ഥാന സര്‍ക്കാര്‍ ഇടപെട്ടിട്ടും വിനീതിനെ തിരിച്ചെടുത്തിരുന്നില്ല.
https://www.facebook.com/Malayalivartha
