ബാഴ്സലോണയെ സമനിലയില് തളച്ച് അത്ലറ്റികോ
സ്പാനിഷ് ലീഗിലെ കരുത്തന്മാരുടെ പോരാട്ടത്തില് ബാഴ്സലോണയെ സമനിലയില് തളച്ച് അത്ലറ്റികോ മാഡ്രിഡ്. അവസാന മിനിറ്റില് സുവാരസ് നേടിയ ഗോളിലാണ് ബാഴ്സ രക്ഷപെട്ടത്. ആദ്യ പകുതിയില് സാവുള് നീഗെയുടെ ഗോളില് അത്ലറ്റികോ ലീഡെടുത്തു. ബോക്സിനു പുറത്തുനിന്നുമെടുത്ത കിടിലന് ഷോട്ട് ബാഴ്സ വലയില് തുളച്ചുകയറുകയായിരുന്നു. 21 ാം മിനിറ്റില് മുന്നിലെത്തിയ അത്ലറ്റികോ അവസാന മിനിറ്റുവരെ ബാഴ്സയെ വിജയകരമായി പ്രതിരോധിച്ചു.
എന്നാല് 82 ാം മിനിറ്റില് സീസണില് ഇതുവരെ തോല്വിയറിയാതെ മുന്നേറുന്ന ബാഴ്സ കാത്തിരുന്ന ഗോളെത്തി. വലതുപാര്ശ്വത്തില്നിന്നും അത്ലറ്റികോ ബോക്സിലേക്ക് ഉയര്ന്നുവന്ന പന്ത് തലകൊണ്ടുകുത്തി സുവാരസ് ഗോളിലേക്കിട്ടു.
മത്സരത്തില് 67 ശതമാനവും ബാഴ്സയുടെ കാലിലായിരുന്നു പന്തെങ്കിലും അത്ലറ്റികോ പ്രതിരോധം പാറപോലെ ഉറച്ചുനിന്നതാണ് വിജയം അകന്നത്. മെസിയുടെ മനോഹരമായൊരു ഫ്രീകിക്ക് പോസ്റ്റില് തട്ടിത്തെറിച്ചതും ബാഴ്സയുടെ ദൗര്ഭാഗ്യമായി.
https://www.facebook.com/Malayalivartha
