ഇന്ത്യന്‍ പ്രിമിയര്‍ ലീഗില്‍ കൊല്‍ക്കത്ത നൈറ്റ് റൈഡേഴ്‌സിനെതിരെ മുംബയ് ഇന്ത്യന്‍സിന് 102 റണ്‍സിന്റെ കൂറ്റന്‍ വിജയം. ആദ്യം ബാറ്റ് ചെയ്ത് മുംബയ് ഉയര്‍ത്തിയ 211 റണ്‍സിന്റെ വിജയലക്ഷ്യം തേടിയിറങ്ങിയ കൊല്‍ക്കത്തയുടെ എല്ലാ വിക്കറ്റുകളും 18.1 ഓവറില്‍ 108 റണ്‍സെടുക്കുമ്പോഴേക്കും നഷ്ടമായി. ഇതോടെ മുംബയ് ഇന്ത്യന്‍സ് പ്ലേ ഓഫ് സാധ്യത നിലനിറുത്തി.

നേരത്തെ ടോസ് നഷ്ടപ്പെട്ട് ബാറ്റിംഗിനിറങ്ങിയ മുംബയ് ആറ് വിക്കറ്റ് നഷ്ടത്തിലാണ് 210 റണ്‍സടിച്ചത്. 21 പന്തില്‍ 62 റണ്‍സടിച്ച ഇശാന്‍ കിഷന്റെ ബാറ്റിംഗാണ് മുംബെയെ മികച്ച സ്‌കോറിലേക്ക് നയിച്ചത്. നായകന്‍ രോഹിത് ശര്‍മ്മയും സൂര്യകുമാര്‍ യാദവും 36 റണ്‍സ് വീതം നേടി.