ദേശീയ ഗുസ്തി താരം ഉഡുപ്പി മല്പെ ശാന്തിനഗറിലെ വിരാജ് മെന്ഡന് മരിച്ച നിലയില്
ദേശീയ ഗുസ്തി താരം ഉഡുപ്പി മല്പെ ശാന്തിനഗറിലെ വിരാജ് മെന്ഡനെ (29) ചൊവ്വാഴ്ച വീട്ടില് തൂങ്ങിമരിച്ച നിലയില് കണ്ടെത്തി. മീന് ഫാക്ടറിയില് ജീവനക്കാരനായിരുന്നു. നിരവധി മത്സരങ്ങളില് സ്വര്ണമെഡലുകള് നേടിയെങ്കിലും തക്ക പരിഗണന ലഭിക്കാത്തതില് താരം നിരാശനായിരുന്നതായി പറയുന്നു.
അതേസമയം തിരുവനന്തപുരം നഗരത്തിലെ ആഡംബര ഹോട്ടലില് പത്തു ദിവസമായി താമസിച്ചിരുന്ന ദമ്പതികള് മുറിയില് ഒറ്റ ഷാളില് തൂങ്ങിമരിച്ച നിലയില്... പടിഞ്ഞാറേക്കോട്ടയില് താമസിക്കുന്ന ഹരിപ്പാട് ചേപ്പാട് സ്വദേശി സുഗതന് (71), ഭാര്യ സുനില (70) എന്നിവരാണു മരിച്ചത്.
വീടിന്റെ അറ്റകുറ്റപ്പണി നടക്കുന്നുവെന്ന കാരണം പറഞ്ഞു കഴിഞ്ഞ 26ന് മകള്ക്കൊപ്പം എത്തിയാണു മുറിയെടുത്തത്. ഇന്നലെ രാവിലെ വരെ മുറിയിലേക്ക് ഭക്ഷണം വരുത്തി കഴിച്ചിരുന്നു. ഉച്ചതിരിഞ്ഞു ഹോട്ടല് ജീവനക്കാര് വൃത്തിയാക്കാനെത്തിയപ്പോള് മുറി തുറക്കാത്തതു സംശയത്തിനിടയാക്കി. വാതില് തുറന്നപ്പോഴാണ് തൂങ്ങിനില്ക്കുന്ന നിലയില് കണ്ടെത്തിയത്. സാമ്പത്തിക പ്രതിസന്ധിയുണ്ടായിരുന്നതായാണ് സൂചനകളുള്ളത്. ജനുവരിയില് ഇവരുടെ ഏകമകള് ഉത്തരയുടെ വിവാഹച്ചടങ്ങ് നടന്നതും ഇതേ ഹോട്ടലിലായിരുന്നു. മകള് ഉത്തര സ്വകാര്യ കമ്പനിയില് ജീവനക്കാരിയാണ്. ഗിരീഷാണു ഭര്ത്താവ്.
"
https://www.facebook.com/Malayalivartha
