ടൈം മാസികയുടെ 2023ലെ 'അത്‌ലറ്റ് ഓഫ് ദ ഇയര്‍' ആയി അര്‍ജന്റീനന്‍ ക്യാപ്റ്റന്‍ ലയണല്‍ മെസ്സിയെ തെരഞ്ഞെടുത്തു
ലോകപ്രശസ്തമായ ടൈം മാഗസിന്റെ അത്‌ലറ്റ് ഓഫ് ദ ഇയറായി അര്‍ജന്റീന സൂപ്പര്‍ താരം ലയണല്‍ മെസ്സിയെ തെരഞ്ഞെടുത്തു. ടെന്നിസ് ഇതിഹാസം നൊവാക് ദ്യോകോവിച്ച്, നോര്‍വേയുടെ മാഞ്ചസ്റ്റര്‍ സിറ്റി സൂപ്പര്‍ താരം എര്‍ലിങ് ഹാലണ്ട് തുടങ്ങിയവരെ മറികടന്നാണ് മെസ്സിയുടെ നേട്ടം.
അര്‍ജന്റീനക്ക് വേണ്ടിയും ക്ലബ് തലങ്ങളിലുമുള്ള നേട്ടങ്ങള്‍ പരിഗണിച്ചാണ് പുരസ്‌കാരം. അര്‍ജന്റീനയെ 36 വര്‍ഷത്തിന് ശേഷം ലോക ചാമ്പ്യന്മാരാക്കുന്നതിലും പി.എസ്.ജിയെ ഫ്രഞ്ച് ലീഗ് ചാമ്പ്യന്മാരാക്കുന്നതിലുമെല്ലാം നിര്‍ണായക പങ്കുവഹിച്ച മെസ്സിയെ തേടി ലോകത്തെ മികച്ച പുരുഷ ഫുട്ബാള്‍ താരത്തിനുള്ള ബാലണ്‍ ഡി ഓര്‍ പുരസ്‌കാരം എട്ടാം തവണയും എത്തിയിരുന്നു.
പി.എസ്.ജി വിട്ട് അമേരിക്കന്‍ മേജര്‍ ലീഗിലെ ഇന്റര്‍ മയാമിയിലെത്തിയ മെസ്സി ലീഗ്‌സ് കപ്പില്‍ ക്ലബിനെ ചാമ്പ്യന്മാരാക്കി. ഇന്റര്‍ മയാമിക്കായി 14 മത്സരങ്ങള്‍ കളിച്ച മെസ്സി 11 ഗോളുകള്‍ നേടിയെടുത്തിട്ടുണ്ട്.
"
https://www.facebook.com/Malayalivartha
