കണ്ണീരോടെ മടക്കം.... ഒളിംപിക്സ് യോഗ്യതാ ടൂര്ണമെന്റിന്റെ വെങ്കല മെഡല് മത്സരത്തില് ജപ്പാനോട് പരാജയപ്പെട്ട് ഇന്ത്യന് വനിതാ ഹോക്കി ടീം പുറത്ത്
കണ്ണീരോടെ മടക്കം....ഒളിംപിക്സ് യോഗ്യതാ ടൂര്ണമെന്റിന്റെ വെങ്കല മെഡല് മത്സരത്തില് ജപ്പാനോട് പരാജയപ്പെട്ട് ഇന്ത്യന് വനിതാ ഹോക്കി ടീം പുറത്ത്. . ഇതോടെ ഈ വര്ഷം പാരിസില് നടക്കുന്ന ഒളിംപിക്സില് ഇന്ത്യന് വനിതകള്ക്ക് പങ്കെടുക്കാനാകില്ല.
എതിരില്ലാത്ത ഒരു ഗോളിനായിരുന്നു ഇന്ത്യന് ടീമിന്റെ തോല്വി. മത്സരത്തിന്റെ ആറാം മിനിറ്റില് പെനാല്റ്റി കോര്ണറില് നിന്ന് കാന ഉറാത്തയാണ് ജപ്പാന്റെ ഗോള് നേടിയത്. തിരിച്ചടിക്കാനുള്ള ഇന്ത്യന് ടീമിന്റെ ശ്രമങ്ങള്ക്കെല്ലാം ജപ്പാന് പ്രതിരോധിച്ചതോടെ ഒളിംപിക്സ് യോഗ്യത നേടാനുള്ള അവസാന അവസരവും നഷ്ടമായിട്ടാണ് ഇന്ത്യന് വനിതകളുടെ കണ്ണീരോടെയുള്ള മടക്കം.
ജയത്തോടെ മൂന്നാം സ്ഥാനക്കാരായി ജപ്പാന് ഒളിംപിക്സ് യോഗ്യത ഉറപ്പിച്ചു. യുഎസ്, ജര്മനി എന്നിവര് നേരത്തെ യോഗ്യത നേടിയിയിരുന്നു. 2021 ടോക്കിയോ ഒളിംപിക്സില് നാലാം സ്ഥാനം സ്വന്തമാക്കി ചരിത്രമെഴുതിയ ടീമിനാണ് തൊട്ടടുത്ത ഒളിംപിക്സിലെ യോഗ്യത നഷ്ടമായത്. ഇന്ത്യന് വനിതാ ഹോക്കി ടീം അവസാനമായി ഒളിംപിക്സിന് യോഗ്യത നേടാതിരുന്നത് 2012ലാണ് .
"
https://www.facebook.com/Malayalivartha
