ബൈക്കപകടത്തില്‍ പരിക്കേറ്റ യുവ ഫുട്ബാള്‍ താരം അന്തരിച്ചു. ബാബുസപാളയ പ്രകൃതി ടൗണ്‍ഷിപ് സ്വദേശി കൃഷ്ണമൂര്‍ത്തി-ശോഭ ദമ്പതികളുടെ മകന്‍ കെ. മോനിഷ് (27) ആണ് മരിച്ചത്. കഴിഞ്ഞ ദിവസം വൈകുന്നേരം മോനിഷ് സഞ്ചരിച്ച ബൈക്ക് കെ.ആര്‍ പുരത്ത് ട്രക്കുമായി കൂട്ടിയിടിച്ചാണ് അപകടം നടന്നത്.

ആശുപത്രിയില്‍ പ്രവേശിപ്പിച്ചെങ്കിലും ചികിത്സയിലിരിക്കെ മരണപ്പെടുകയായിരുന്നു. പരിക്രമ എഫ്.സി, ഡെക്കാന്‍ എഫ്.സി, യങ് ചലഞ്ചേഴ്‌സ് എഫ്.സി തുടങ്ങിയ ക്ലബുകള്‍ക്കായി ബൂട്ടണിഞ്ഞിരുന്നു. യുവതാരത്തിന്റെ നിര്യാണത്തില്‍ മുഖ്യമന്ത്രി സിദ്ധരാമയ്യ അനുശോചനം രേഖപ്പെടുത്തി.