ഫൈവ്‌സ് ലോകകപ്പ് ഹോക്കി വനിതകളുടെ വിഭാഗത്തില്‍ ഇന്ത്യക്ക് വിജയ തുടക്കം. പൂള്‍ സിയില്‍ നടന്ന ആദ്യമത്സരത്തില്‍ പോളണ്ടിനെ 5-4നാണ് തോല്‍പിച്ചത്.

മസ്‌കത്തിലെ ഒമാന്‍ ഹോക്കി സ്റ്റേഡിയത്തില്‍ നടന്ന മത്സരത്തില്‍ മുംതാസ് ഖാന്‍, ദീപിക എന്നിവര്‍ രണ്ട് വീതവും മരിയാന കുജൂര്‍ ഒരു ഗോളും ഇന്ത്യക്കു വേണ്ടി നേടി. രണ്ടാം മത്സരത്തില്‍ അമേരിക്കയെ 7-3നുമാണ് തകര്‍ത്തത്.


ഈ ഗ്രൂപ്പിലെ മറ്റൊരു മത്സരത്തില്‍ യു.എസ്.എ നമീബിയ 6-1നും തകര്‍ത്തു. പൂള്‍ എയില്‍ ഇന്നലെ നടന്ന രണ്ട് മത്സരങ്ങളിലും ആതിഥേയരായ ഒമാന്‍ തോറ്റു.

ആദ്യ മത്സരത്തില്‍ മലേഷ്യയോട് എതിരില്ലാത്ത പത്ത് ഗോളുകള്‍ക്കും രണ്ടാമത്തെ കളിയില്‍ ഫിജിയോട് 3-2നുമാണ് പരാജയപ്പെട്ടത്. ഈ ഗ്രൂപ്പില്‍ നെതര്‍ലന്‍ഡ് 10-0ന് മലേഷ്യയെയും ഫിജിയെ14-1നും തകര്‍ത്തു.