ഭഗവാന്‍ ശിവന്റെ ദിവസമാണ് തിങ്കളാഴ്ച. പക്ഷേ ഈ ദിനം ചന്ദ്രന്റെ ദിനം കൂടിയാണ്. അതിനാല്‍ ചന്ദ്ര ദോഷങ്ങള്‍ പരിഹരിക്കുന്നതിനും ഈ ദിവസം പ്രധാനമാണ്. ചന്ദ്രദോഷത്തിന് പരിഹാരങ്ങള്‍ ചെയ്യുന്നതിലൂടെ അത് സമാധാനവും ആരോഗ്യവും സമൃദ്ധിയും നല്‍കുന്നു. തിങ്കളാഴ്ച ദിനം ദേഷ്യം കൂടുതലായ ആളുകള്‍ ഉപവാസമെടുക്കുന്നത് നല്ലതാണ്. ഇതിലൂടെ ഇവരുടെ കോപത്തിന്റെ തീവ്രത കുറയും എന്നാണ് വിശ്വാസം. തിങ്കളാഴ്ച ശിവനെ പ്രീതിപ്പെടുത്താന്‍ ഭക്തര്‍ നിരവധി ഉപായങ്ങള്‍ കൈക്കൊള്ളുന്നു. മഹാദേവന്‍ ക്ഷിപ്ര പ്രസാദിയും ക്ഷിപ്ര കോപിയുമാണ്. അതുകൊണ്ടുതന്നെ ഇന്നേ ദിവസം തെറ്റുകളൊന്നും പറ്റാതെ നോക്കേണ്ടത് ഭക്തരുടെ ആവശ്യമാണ്. ഈ ദിനം മഹാദേവനെ വിധിവിധാനത്തോടെ ആരാധിക്കണം. അതുപോലെ ഇന്നേ ദിവസം ചില കാര്യങ്ങള്‍ ചെയ്യുന്നത് ഉത്തമമാണ്. അതായത് പണം നിക്ഷേപം ചെയ്യുക ( സ്വര്‍ണം, വെള്ളി, ഷെയര്‍ മാര്‍ക്കറ്റ്), വീട് നിര്‍മ്മാണം ആരംഭിക്കുക എന്നിവയ്ക്ക് നല്ല ദിനമാണ് തിങ്കളാഴ്ച.

തിങ്കളാഴ്ച ചില ജോലികള്‍ ചെയ്യുന്നത് വിലക്കപ്പെട്ടതായി കണക്കാക്കുന്നു. അതുകൊണ്ടുതന്നെ ഈ ദിവസം ഇക്കാര്യങ്ങള്‍ ചെയ്യുന്നത് ജീവിതത്തില്‍ ബുദ്ധിമുട്ടുകള്‍ സൃഷ്ടിക്കും.

തിങ്കളാഴ്ച ഇക്കാര്യങ്ങള്‍ ഒഴുവാക്കാം....

ഈ ദിവസം പഞ്ചസാര കഴിക്കരുത്.
ഉച്ചതിരിഞ്ഞ് ഉറങ്ങരുത്.
വെളുത്ത വസ്ത്രങ്ങളോ പാലോ ആര്‍ക്കും ദാനം ചെയ്യരുത്.
ഈ ദിവസം വടക്ക്, കിഴക്ക് ദിശകളില്‍ യാത്ര ചെയ്യരുത്. പ്രത്യേകിച്ചും കിഴക്ക് ഭാഗത്ത്.
ഈ ദിവസം അമ്മയുമായി ഒരു തരത്തിലും തര്‍ക്കിക്കരുത്.
കുലദേവതയെ ഒരു തരത്തിലും അപമാനിക്കരുത്. അപമാനിച്ചാല്‍ ജീവിതത്തില്‍ ഒരുപാട് പ്രശ്‌നങ്ങള്‍ വരാം.
ഈ ദിവസം രാവിലെ 7:30 മുതല്‍ 9:00 വരെ രാഹുകാലം ആയിരിക്കും. അതിനാല്‍ ഈ സമയത്ത് യാത്രയോ മറ്റേതെങ്കിലും ശുഭപ്രവൃത്തികളോ ആരംഭിക്കരുത്.
ഈ ദിനം ശനിയുമായി ബന്ധപ്പെട്ട ഭക്ഷണം കഴിക്കരുത്. അതായത് വഴുതനങ്ങ, ജാക്ക് ഫ്രൂട്ട്, കടുകിന്റെ ഇല, കറുത്ത എള്ള്, ഉഴുന്ന്, മസാല പച്ചക്കറികള്‍ തുടങ്ങിയവ കഴിക്കരുത്.
ഒപ്പം ശനിയുമായി ബന്ധപ്പെട്ട വസ്ത്രങ്ങള്‍ ധരിക്കരുത്. അതായത് കറുപ്പ്, നീല, പര്‍പ്പിള്‍ അല്ലെങ്കില്‍ തവിട്ട് നിറമുള്ള വസ്ത്രങ്ങള്‍ ധരിക്കരുത്.