കാലഘട്ടത്തിനനുസരിച്ച് ഫാഷന്‍ തേടിപ്പോകുന്നവരാണ് നമുക്കിടയിലുള്ള മിക്കവരും. സൗന്ദര്യ വസ്തുക്കളുടെ കാര്യത്തിലായാലും വസ്ത്രധാരണാ രീതിയിലായാലും ട്രെന്‍ഡ് വിട്ടൊരു കളിയും ഇല്ല ഇക്കൂട്ടര്‍ക്ക്. ഇതിൽ സ്ത്രീകളുടെ കാര്യം പറയുകയാണെങ്കിൽ ഇവരുടെ അഴക് എപ്പോഴും എടുത്ത് കാണിക്കുന്നത് കണ്ണുകളും കാലുകളും ആണ്. എന്നാൽ ഇങ്ങനെ കണ്ണിനെ അഴകില്‍ കുളിപ്പിക്കാന്‍ പ്രധാന പങ്ക് വഹിക്കുന്നത് 'ഐ ലൈനർ' ഉപയോഗിക്കുന്നതിന് ചില കാര്യങ്ങൾ പ്രത്യേകം ശ്രദ്ധിക്കേണ്ടതായിട്ടുണ്ട്.

1. ഐലൈനര്‍ തിരഞ്ഞെടുക്കുമ്പോള്‍ നിലവാരമുള്ള ബ്രാന്‍ഡ് കമ്പനിയുടെ പ്രോഡക്റ്റ് തന്നെ എടുക്കണം. കണ്ണിന് പെട്ടെന്ന് അലര്‍ജിയും മറ്റും ഉണ്ടാവാന്‍ സാധ്യതയുള്ളതുകൊണ്ട് നല്ല കമ്പനിയുടെ തന്നെ എടുക്കുന്നതാണ് നല്ലത്.

2. ആദ്യം ചെറിയ രീതിയില്‍ വരച്ച് നോക്കുക .ആ നേരം ചൊറിച്ചിലോ, വെള്ളം വരുകയോ കണ്ണ് എരിയുകയോ കടിക്കുകയോ ചെയ്യുന്നുവെങ്കില്‍ പിന്നെ ആ ബ്രാന്റ് ഉപയോഗിക്കരുത്.

3. ഒരാള്‍ ഉപയോഗിക്കുന്ന ലൈനര്‍ കഴിവതും മറ്റുള്ളവര്‍ ഉപയോഗിക്കുന്നത് നല്ലതല്ല. ഐ ഇന്‍ഫക്ഷന്‍ ഇങ്ങനെയുള്ള ഉപയോഗത്തിലൂടെ പകരാന്‍ സാധ്യതയേറെയാണ്.

4. എപ്പോഴും കണ്ണിന്റെ സ്വഭാവം അറിഞ്ഞ് മാത്രമേ ഐലൈനര്‍ തിരഞ്ഞെടുക്കാവൂ വളരെ മൃദുവായ കണ്ണ്‌പോളയുള്ളവര്‍ വളരെ കട്ടിയുള്ള നിംപ് ടൈപ്പ് ഐ ലൈനര്‍ ഉപയോഗിക്കുന്നതിനെക്കളാള്‍ ബ്രഷ് ടൈപ്പ് ആവും കുറച്ചുകൂടി നല്ലത്.

5. സ്ഥിരമായി കണ്ണിന് താഴെ കരിവരയ്ക്കുന്നവര്‍ ആണെങ്കില്‍ അവര്‍ കാജല്‍ ടൈപ്പ് ഉപയോഗിക്കുന്നതാണ് നല്ലത്.

6. രാത്രി കിടക്കുന്നതിന് മുമ്പ് കണ്ണിലെ മേക്കപ്പ് അഴിച്ച് മാറ്റിയിരിക്കണം.

7. എപ്പോഴും ഐ മേക്കപ്പിന് വാട്ടര്‍ പ്രൂഫ് മേക്കപ്പ് പ്രോഡക്റ്റ് തന്നെ തിരഞ്ഞെടുക്കണം. കാരണം വിയര്‍പ്പും മറ്റും കാരണം ഐ മേക്കപ്പ് പരന്ന് ഒലിക്കുവാന്‍ സാധ്യതയെറെയാണ്