വിഷുവിനു കണി ഒരുക്കുന്നതില്‍ കൊന്നപൂവിനു പ്രത്യേക സ്ഥാനമാണുള്ളത്. പറമ്പിലും മുറ്റത്തും നിരവധിയായി കണിക്കൊന്ന പൂക്കുന്ന ഇക്കാലത്തു പൂച്ചട്ടിയിലും കണിക്കൊന്ന പൂത്തുനില്‍ക്കുന്ന വേറിട്ടൊരു കാഴ്ചയും കല്ലൂരില്‍ കാണാനായി. പാടംവഴിക്കു സമീപമുള്ള വീട്ടിലാണു ചെടിച്ചട്ടിയില്‍ കണിക്കൊന്ന പൂത്തുനില്‍ക്കുന്ന മനോഹര കാഴ്ച.

വീടിന്റെ വരാന്തയില്‍ പ്ലാസ്റ്റിക് പാത്രത്തില്‍ നട്ടുവളര്‍ത്തിയ കണിക്കൊന്നയാണു വിഷുവിനോടനുബന്ധിച്ചു പൂത്തത്. പത്തടിയിലേറെ ഉയരമുള്ള കൊന്നയില്‍ ഒട്ടേറെ പൂക്കളാണു വിരിഞ്ഞിട്ടുള്ളത്.