ആദായ നികുതി പരിധി അഞ്ച് ലക്ഷമാക്കി ഉയര്‍ത്തി കേന്ദ്ര സര്‍ക്കാര്‍. നിലവില്‍ നികുതി അടയ്ക്കുന്ന 3 കോടി പേര്‍ക്ക് ഇതിന്റെ പ്രയോജനം ലഭിക്കും. ഈ വര്‍ഷം നിലവിലെ പരിധി തുടരും. 2.5 ലക്ഷമായിരുന്നു നികുതിയൊഴിവിനുള്ള പരിധി. 80 സി പ്രകാരമുള്ള ഇളവ് ഒന്നരലക്ഷം രൂപയില്‍ തുടരും. ഇതോടെ ആറരലക്ഷം രൂപവരെയുള്ളവര്‍ക്ക് ആദായ നികുതി നല്‍കേണ്ടതില്ല. ആദായ നികുതി റീഫണ്ട് ഒരു ദിവസത്തിനുള്ളില്‍ നല്‍കാനുള്ള പദ്ധതിയും ബജറ്റില്‍ അവതരിപ്പിച്ചിട്ടുണ്ട്.

രാജ്യത്ത് നികുതി റിട്ടേണ്‍ സമര്‍പ്പിച്ചവരുടെ എണ്ണം 3.79 കോടിയില്‍ നിന്ന് 6.85 കോടിയായി. ഇതില്‍ 80 ശതമാനം വളര്‍ച്ചയുണ്ടായിട്ടുണ്ട്. 

കര്‍ഷകര്‍ക്കും സാധാരണ ജനങ്ങള്‍ക്കും ആശ്വാസമേകുന്ന നിരവധി പദ്ധതികളാണ് ബജറ്റിലുള്ളത്. ജീവനക്കാരുടെ ഗ്രാറ്റിവിറ്റി പരിധി ഉയര്‍ത്താനും ബജറ്റില്‍ തിരുമാനമായി. 10 ലക്ഷത്തില്‍ നിന്ന് 35 ലക്ഷം രൂപയായാണ് ഇത് ഉയര്‍ത്തുന്നത്. ഇതിന്റെ ആദയായ നികുതി പരിധി 10 ലക്ഷം രൂപയില്‍ നിന്ന് 20 നക്ഷം രൂപയാക്കും. ജീവനക്കാരുടെ ഇ എസ് ഐ പരിധി 21000 രൂപയാക്കി ഉയര്‍ത്തും. അങ്കണവാടി ആശാവര്‍ക്കര്‍മാരിടെ വേതനം 50 ശതമാനം വര്‍ദ്ധിപ്പിക്കും.