ഡീസല് വാഹനനിര്മ്മാണ രംഗത്ത് നിന്നും കമ്പനികള് പിന്മാറുന്നു
ലോകമെങ്ങും ഇലക്ട്രിക് വാഹന വിപ്ലവത്തിലേക്ക് നീങ്ങുകയും രാജ്യത്തെ വന്നഗരങ്ങളിലെ വായുമലീനീകരണത്തോത്് വന്തോതില് വര്ദ്ധിക്കുകയും ചെയ്തതോടെ ഇന്ത്യയില് ഡീസല് കാറുകള് പൂര്ണ്ണമായി നിര്ത്തുന്നതിനെക്കുറിച്ച് മാരുതിയുടെ മാതൃകമ്പനിയായ സുസുക്കിയുമായി ആലോചിക്കുന്നു. രാജ്യത്ത് പെട്രോള്ഡീസല് വിലകള് തമ്മിലുള്ള വ്യത്യാസം നേരിയതോതിലായതും ഉപഭോക്താക്കള് അന്തരീക്ഷ മലിനീകരണത്തെക്കുറിച്ച് ബോധവാ•ാരായ സാഹചര്യത്തിലും ഇപ്പോള് തന്നെ ഡീസല് കാറുകളുടെ വില്പ്പന ഇടിഞ്ഞ് തുടങ്ങിയിട്ടുണ്ട്. ഇവയൊക്കെ കണക്കിലെടുക്കുമ്പോള് വരും നാളുകള് ഡീസല് വാഹനങ്ങള്ക്ക് അനുകൂലമല്ല.
ഡീസല് കാറുകളില് ശ്രദ്ധ പതിപ്പിച്ചിരുന്ന മഹീന്ദ്രയാകട്ടെ എല്ലാ മോഡലുകളുടെയും പെട്രോള് വകഭേദങ്ങള് ഇറക്കുകയും ബൊളേറോയെ വിപണിയില് നിന്ന് പിന്വലിക്കുകയും ചെയ്യുന്നു. ഇത് രണ്ടും സൂചന നല്കുന്നത് ഡീസല് കാറുകളുടെ നല്ല കാലം അവസാനിക്കാറായി എന്നുതന്നെയാണ്. രാജ്യത്ത് ഡീസല് വാഹനങ്ങളുടെ ഉല്പ്പാദനം നിര്ത്തുന്നതിനെക്കുറിച്ച് മാരുതി സുസുക്കിയുമായി ചര്ച്ചകള് നടത്തിക്കഴിഞ്ഞു. പകരം കംപ്രസ്ഡ് നാച്ചുറല് ഗ്യാസ് (സിഎന്ജി), ഇലക്ട്രിക് വാഹനങ്ങളില് ശ്രദ്ധ കേന്ദ്രീകരിക്കുകയാണ് കമ്പനി ലക്ഷ്യമിടുന്നത്.
ഏപ്രില് ഒന്നോടെ കൂടുതല് കര്ക്കശമായ മലിനീകരണ മാനദണ്ഡങ്ങള് നിലവില് വരുന്നതാണ് വാഹനനിര്മ്മാതാക്കളെ ഈ രീതിയില് ചിന്തിക്കാന് പ്രേരിപ്പിച്ചത്. പ്രധാനമായും ഡീസല് കാറുകള് മാത്രം വിറ്റിരുന്ന മഹീന്ദ്രയും ഇപ്പോള് ഈ വഴിയാണ് ചിന്തിക്കുന്നത്. എല്ലാ വിഭാഗത്തിലും പെട്രോള് കാറുകള് കൂടി അവതരിപ്പിക്കാനുള്ള പദ്ധതിയിലാണ് മഹീന്ദ്ര. എന്നാല് എസ്.യു.വി മോഡലുകളില് ഡീസല് കാറുകള് തുടരും.
https://www.facebook.com/Malayalivartha
