ലോകത്തിലെ അതിസമ്പന്നരുടെ പട്ടികയില് ആമസോണ് തലവന് ജെഫ് ബെസോസ് ഒന്നാമത്; മുകേഷ് അംബാനി പത്താമത്
ആമസോണ് തലവന് ജെഫ് ബെസോസ് ലോകത്തെ ഏറ്റവും വലിയ സമ്പന്നന് എന്ന ഖ്യാതി നിലനിര്ത്തി.
ഇത് തുടര്ച്ചയായ രണ്ടാം തവണയാണ് ബെസോസ് ഈ സ്ഥാനം നിലനിര്ത്തുന്നത്. ലോകത്തെ അതിസമ്പന്നരുടെ പട്ടിക തയ്യാറാക്കുന്ന ഹുറൂണ് ഗ്ലോബല് റിച്ച് ലിസിറ്റിന്റെ കണക്കുകള് പ്രകാരമാണിത്. 14,700 കോടി ഡോളറിന്റെ സ്വത്താണ് അദ്ദേഹത്തിനുള്ളത്. 2018ല് അദ്ദേഹത്തിന്റെ സമ്പത്ത് 24 കോടി ഡോളര് വര്ധിച്ചിരുന്നു.
മൊത്തം 2470 പേരുടെ ലിസ്റ്റാണ് ഹുറൂണ് പുറത്തു വിട്ടത്. ഇതില് ഏറ്റവും കൂടുതല് ശതകോടീശ്വരന്മാരുമായി ചൈനയാണ് ഒന്നാം സ്ഥാനത്ത് നില്കുന്നത് 658 പേര്. 584 അമേരിക്കക്കാരും 174 ജര്മന്കാരും ലിസ്റ്റിലുണ്ട്.
ഇന്ത്യയില് നിന്നും മുകേഷ് അംബാനി മാത്രമാണ് ആദ്യ പത്തുപേരില് ഇടം പിടിച്ചത്. പത്താം സ്ഥാനത്താണ് മുകേഷ് അംബാനി. 5400 കോടി യു എസ് ഡോളര് അതായത് ഏകദേശം എട്ട് ലക്ഷം കോടി രൂപയാണ് അദ്ദേഹത്തിന്റെ സമ്പത്ത്. എസ്. പി ഹിന്ദുജ ധ40പ, അസിം പ്രേംജി, സൈറസ് പൂനവാല ധ57പ എന്നിവരാണ് ഹുറൂണ് ലിസ്റ്റില് ഇടം പിടിച്ച മറ്റു ഇന്ത്യക്കാര്. ലക്ഷ്മി മിത്തല്, ഉദയ് കൊട്ടക്, ഗൗതം അദാനി, ദിലീപ് സാങ്വി എന്നിവരും ലിസ്റ്റില് ഇടം നേടിയ ഇന്ത്യന് സമ്പന്നരാണ്.
വനിതകളുടെ കൂട്ടത്തില് ഗോദ്റെജ് കുടുംബാംഗമായ സ്മിത കൃഷ്ണ, ബയോകോണ് മാനേജിങ് ഡയറക്ടര് കിരണ് മസുംദാര് ഷാ എന്നിവരാണ് ലിസ്റ്റിലുള്ള ഇന്ത്യന് സാന്നിധ്യം.
https://www.facebook.com/Malayalivartha