2023 ആകുമ്പോഴേക്കും ലോകത്തെ ഏറ്റവും അതിമ്പന്നരായ 2696 ശതകോടീശ്വരമാരില്‍ 1003 പേര്‍ ഏഷ്യന്‍ രാജ്യങ്ങളില്‍ നിന്നുള്ളവരായിരിക്കുമെന്ന്. 2018നും 2023നും ഇടയില്‍ ഏഷ്യയിലെ വമ്പന്‍ കോടീശ്വരമാരുടെ എണ്ണം 27 ശതമാനം വര്‍ദ്ധിക്കും. ഇതില്‍ ഏഷ്യയില്‍ തന്നെ ഏറ്റവും കൂടുതല്‍ വളര്‍ച്ച നേടുന്ന രാജ്യം ഇന്ത്യയായിരിക്കും. ശതകോടീശ്വരമാരുടെ എണ്ണത്തില്‍ ഇന്ത്യ 39 ശതമാനം വര്‍ദ്ധനവാണ് കൈവരിക്കുക. യൂറോപ്പിന് 18 ശതമാനവും അമേരിക്കക്ക് 17 ശതമാനവുമായിരിക്കും വളര്‍ച്ചാനിരക്ക്. നൈറ്റ് ഫ്രാങ്ക് എല്‍ എല്‍ പി എന്ന സ്ഥാപനം നടത്തിയ പഠന റിപ്പോര്‍ട്ടിലാണ് ഇക്കാര്യങ്ങള്‍ ഉള്ളത്. 

ഫിലിപ്പീന്‍സ്, ചൈന എന്നീ രാജ്യങ്ങള്‍ ഇന്ത്യക്ക് പിന്നില്‍ വരും. ഇന്‍ഡോനേഷ്യ, വിയറ്റ്‌നാം, മലേഷ്യ, ദക്ഷിണ കൊറിയ, തായ്‌ലന്‍ഡ് എന്നീ ഏഷ്യന്‍ രാജ്യങ്ങളിലും വമ്പന്‍ പണക്കാരുടെ എണ്ണത്തില്‍ വലിയ നേട്ടം ഉണ്ടാക്കുമെന്നാണ് റിപ്പോര്‍ട്ടില്‍ പറയുന്നത്. പണക്കാരുടെ എണ്ണത്തില്‍ വന്‍ വര്‍ദ്ധന വരുന്ന ആദ്യത്തെ പത്തു രാജ്യങ്ങളില്‍ എട്ടെണ്ണവും ഏഷ്യയില്‍ നിന്നായിരിക്കും. റുമേനിയ, പോളണ്ട് എന്നീ രാജ്യങ്ങളാണ് ആദ്യ പത്തില്‍ സ്ഥാനം നേടുന്ന ഏഷ്യയില്‍ നിന്നല്ലാതെയുള്ള രാജ്യങ്ങള്‍.