ഇന്ത്യയിലെ മ്യൂച്ചല് ഫണ്ട് നിക്ഷേപത്തില് വന് കുറവ്, ഫെബ്രുവരിയില് മ്യൂച്ചല് ഫണ്ടുകളിലേക്ക് നിക്ഷേപമായെത്തിയത് കേവലം 5,122 കോടി രൂപ മാത്രം
ഇന്ത്യയിലെ മ്യൂച്ചല് ഫണ്ട് നിക്ഷേപത്തില് ഫെബ്രുവരിയില് കുറവ് രേഖപ്പെടുത്തിയതായി കണക്കുകള്. അതിര്ത്തിയിലെ ഇന്ത്യപാക് പ്രശ്നങ്ങളും ആഗോളതലത്തിലുള്ള സാമ്പത്തിക അസ്ഥിരതയും മ്യൂച്ചല്ഫണ്ടുകളെയും ബാധിക്കുകയായിരുന്നു. ഫെബ്രുവരിയില് മ്യൂച്ചല് ഫണ്ടുകളിലേക്ക് നിക്ഷേപമായെത്തിയത് കേവലം 5,122 കോടി രൂപ മാത്രമാണ്.
കഴിഞ്ഞ ജനുവരിയില് 24 മാസത്തിനിടെ ഏറ്റവും കുറഞ്ഞ നിക്ഷേപമാണ് മ്യൂച്ചല് ഫണ്ടുകളില് ഉണ്ടായത്. 6,158 കോടിയായിരുന്നു ജനുവരിയിലെ നിക്ഷേപം. ഇതിന് ശേഷം ഫ്രെബുവരിയിലും മ്യൂച്ചല്ഫണ്ട് നിക്ഷേപത്തില് കുറവ് രേഖപ്പെടുത്തുകയാണ്. ഇക്വിറ്റി ലിങ്ക്ഡ് സേവിങ് സ്കീമിലെ നിക്ഷേപങ്ങളിലും കുറവ് രേഖപ്പെടുത്തി. കേവലം 1,174 കോടി രൂപയാണ് ഇക്വിറ്റി ലിങ്ക്ഡ് സേവിങ്സ് സ്കീമിലെത്തിയത്. ഏകദേശം 26 ശതമാനത്തിന്റെ കുറവാണ് രേഖപ്പെടുത്തിയിരിക്കുന്നത്. ഇന്കം ഫണ്ടുകളില് നിന്ന് 4,214 കോടി രൂപ നിക്ഷേപകര് പിന്വലിച്ചിട്ടുണ്ട്.
ഓഹരി അധിഷ്ഠിത ഫണ്ടുകളില് നിന്ന് ഉള്പ്പടെ വന്തോതില് നിക്ഷേപം പിന്വലിക്കുന്നത് മ്യൂച്ചല് ഫണ്ട് വിപണിക്ക് തിരിച്ചടിയാവുകയാണ്. അതേസമയം, എസ്.ഐ.പി നിക്ഷേപങ്ങളില് കാര്യമായ കുറവുണ്ടായിട്ടില്ല.
"
https://www.facebook.com/Malayalivartha