390 ഇനം ക്യാന്സര് മരുന്നുകളുടെ വില കുത്തനെ കുറച്ചു
രാജ്യത്തെ ഔഷധ വിപണന മേഖലയിലെ വില നിയന്ത്രണ സംവിധാനമായ എന് പി പി എ ക്യാന്സര് ചികിത്സാ ചെലവില് വന് ആശ്വാസം പകരുന്ന തീരുമാനവുമായി രംഗത്ത്. 390 ക്യാന്സര് മരുന്നുകള്ക്ക് 87 ശതമാനം വരെയാണ് വിലയില് കുറവ് വരുത്തിയത്. മുന്പ് 42 ക്യാന്സര് മരുന്നുകള്ക്ക് എന്പിപിഎ 30 ശതമാനം വരെ വില കുറച്ചിരുന്നു.
രാജ്യത്തെ ക്യാന്സര് ചികിത്സാരംഗത്തെ 91 ശതമാനം മരുന്നുകളും വില നിയന്ത്രണ സംവിധാനത്തിന്റെ പരിധിയിലായിലാണ്. ഇതുകൂടാതെയാണ് പുതിയതായി 390 മരുന്നുകള്ക്ക് കൂടി വിപണി വില നിശ്ചയിച്ചത്.
കേന്ദ്ര ഫാര്മസ്യൂട്ടിക്കല് വകുപ്പിന്റെ നിഗമനത്തില് ഈ നടപടി രാജ്യത്തെ 22 ലക്ഷം ക്യാന്സര് രോഗികള്ക്ക് പ്രയോജനകരമാകും. ഇത് രാജ്യത്തെ ഉപഭോക്താക്കള്ക്ക് 800 കോടിയുടെ ലാഭമുണ്ടാകുകയും ചെയ്യും. ക്യാന്സര് ചികിത്സാ രംഗത്ത് 426 തരം മരുന്ന് ബ്രാന്ഡുകളാണ് വിപണിയില് സജീവമായുളളത്.
https://www.facebook.com/Malayalivartha