ഉറുദു ഭാഷയില്‍ മാധ്യമ പ്രവര്‍ത്തനം നടത്തുന്നവരുടെ കഴിവുകള്‍ വികസിപ്പിക്കുന്നതിന്റെ ഭാഗമായി ഇന്ത്യന്‍ ഇന്‍സ്റ്റിറ്റിയൂട്ട്‌ ഓഫ്‌ മാസ്‌ കമ്മ്യൂണിക്കേഷന്‍, ഉറുദു ജേര്‍ണലിസത്തില്‍ അഞ്ചുമാസത്തെ ഡിപ്ലോമ കോഴ്‌സ്‌ ആരംഭിച്ചു. പത്രങ്ങളിലും, മറ്റു വാര്‍ത്താമാധ്യമങ്ങളിലും ഉറുദു ഭാഷയുമായി ബന്ധപ്പെട്ടു പ്രവര്‍ത്തിക്കുന്ന പത്ര പ്രവര്‍ത്തകരുടെ വൈദഗ്‌ദ്ധ്യം മെച്ചപ്പെടുത്തുക എന്ന ലക്ഷ്യത്തോടെയാണ്‌ ഈ കോഴ്‌സ്‌ ആവിഷ്‌ക്കരിച്ചിരിക്കുന്നത്‌ എന്ന്‌ ഇന്‍ഫര്‍മേഷന്‍ ആന്റ്‌ ബ്രോഡ്‌കാസ്റ്റിംഗ്‌ മിനിസ്‌ട്രിയുടെ ഒരു പ്രസ്‌താവനയില്‍ പറയുന്നു. ഓള്‍ ഇന്ത്യ കോണ്‍ഫറന്‍സ്‌ ഓഫ്‌ ഉറുദു എഡിറ്റേഴ്‌സിലെ പത്രപ്രവര്‍ത്തകരുമായുള്ള ചര്‍ച്ചകള്‍ക്കുശേഷമാണ്‌ ഈ തീരുമാനം കൈക്കൊണ്ടതെന്ന്‌ ഐ & ബി മന്ത്രി മനീഷ്‌ തിവാരി വ്യക്തമാക്കി.