ഐ.ഐ.എം-കളിലേക്കും, ബി-സ്‌കൂളുകളിലേക്കുമുളള പ്രവേശനത്തിനു വേണ്ടിയുളള കോമണ്‍ അഡ്‌മിഷന്‍ ടെസ്റ്റിന്റെ ഫലം പ്രഖ്യാപിച്ചു. എഞ്ചിനീയറിംഗ്‌ പശ്ചാത്തലമുളള എട്ട്‌ ആണ്‍കുട്ടികള്‍ 100ശതമാനം മാര്‍ക്ക്‌ കരസ്ഥമാക്കി. ഇവരില്‍ ആറുപേര്‍ ഐ.ഐ.റ്റി കളില്‍ നിന്നുളളവരാണെന്ന്‌ കാറ്റ്‌2013 കണ്‍വീനര്‍ പ്രൊ. രോഹിത്‌ കപൂര്‍ പറഞ്ഞു. 99.9 ശതമാനം മാര്‍ക്കു നേടിയ 10 പേരില്‍ ഒരാള്‍ പെണ്‍കുട്ടിയാണെന്ന്‌ അദ്ദേഹം കൂട്ടിചേര്‍ത്തു. 2013 ഒക്‌ടോബര്‍ 16 മുതല്‍ നവംബര്‍ 11 വരെ 40 പട്ടണങ്ങളിലെ 761 വ്യത്യസ്ഥ സുരക്ഷിത പരീക്ഷാകേന്ദ്രങ്ങളില്‍ വച്ച്‌ ഇരുപത്‌ ദിവസത്തോളം നീണ്ട ഒരു ടെസ്റ്റിംഗ്‌ വിന്‍ഡോയിലൂടെയായിരുന്നു. CAT 2013 സംഘടിപ്പിച്ചത്‌. പരീക്ഷാഫലം അറിയേണ്ടവര്‍ www.cat2013.iimidr.ac.inഎന്ന വെബ്‌സൈറ്റ്‌ സന്ദര്‍ശിക്കുക. അപേക്ഷകര്‍ തങ്ങളുടെ സ്‌കോര്‍ കാര്‍ഡിന്റെ ഒരു പ്രിന്റ്‌, കോപ്പി എടുത്തു സൂക്ഷിക്കണമെന്ന്‌ നിര്‍ദ്ദേശിച്ചിട്ടുണ്ട്‌