ബയോഇന്‍ഫര്‍മാറ്റിക്‌സില്‍ എംടെക്‌
എന്‍ജിനീയറിംഗ്‌ ബിരുദക്കാര്‍ക്ക്‌, പ്രത്യേകിച്ചും ബയോളജിയില്‍ അഭിരുചിയുള്ള കമ്പ്യൂട്ടര്‍ സയന്‍സ്‌ എന്‍ജിനീയറിംഗ്‌ ബിരുദക്കാര്‍ക്ക്‌ ഉന്നത പഠനത്തിനുള്ള ഏറ്റവും മികച്ച മേഖലയാണ്‌ ബയോഇന്‍ഫര്‍മാറ്റിക്‌സില്‍ എംടെക്‌. അവര്‍ക്ക്‌ ശാസ്‌ത്രവിഷയങ്ങളില്‍ താല്‍പര്യവുംഅപഗ്രഥന മനോഭാവവും ഉണ്ടായിരിക്കണം. ബയോളജിയില്‍ അഭിരുചിയും മാത്തമാറ്റിക്‌സ്‌, കെമിസ്‌ട്രി, കമ്പ്യൂട്ടര്‍ സയന്‍സ്‌ എന്നിവയില്‍ അടിസ്‌ഥാന പരിജ്‌ഞാനവുമുള്ളവര്‍ബയോഇന്‍ഫര്‍മാറ്റിക്‌സില്‍ സ്‌പെഷലൈസ്‌ചെയ്യാന്‍ അര്‍ഹരാണ്‌.
കമ്പൂട്ടറിനെ അടിസ്‌ഥാനമാക്കി എല്ലാ തരത്തിലുമുള്ള ബയോളജിക്കല്‍ വിവരങ്ങളും കൈകാര്യം ചെയ്യുന്ന ശാസ്‌ത്രീയ മേഖലയാണിത്‌. ഇന്ത്യാ ഗവണ്മെന്റിന്‌ കീഴിലുള്ള ഇന്ത്യന്‍ ഇന്‍സ്‌റ്റിറ്റിയൂട്ട്‌ ഓഫ് ഇന്‍ഫര്‍മേഷന്‍ ടെക്‌നോളജി (ഐഐഐടി), അലഹബാദ്‌,ബയോഇന്‍ഫര്‍മാറ്റിക്‌സില്‍ രണ്ടു വര്‍ഷത്തെഫുള്‍ടൈം കോഴ്‌സ്‌ ഓഫര്‍ ചെയ്യുന്നു. ബയോഇന്‍ഫര്‍മാറ്റിക്‌സിലും കമ്പ്യൂട്ടേഷണല്‍ ബയോളജിയിലും പുതിയ ട്രെന്‍ഡുകള്‍ ഈ കോഴ്‌സ്‌ പ്രതിപാദിക്കുന്നു. ഏതെങ്കിലും എന്‍ജിനീയറിംഗ്‌ ശാഖയില്‍ ബിഇ/ബിടെക്‌ ബിരുദവും സാധുതയുള്ള ഗേറ്റ്‌ സ്‌കോറും ഉള്ളവര്‍ ഈകോഴ്‌സിന്‌ പ്രവേശനത്തിന്‌ അര്‍ഹരാണ്‌.
ഇന്ത്യാ ഗവണ്മെന്റിന്‌ കീഴിലുള്ള എ ബിവാജ്‌പേയി ഇന്ത്യന്‍ ഇന്‍സ്‌റ്റിറ്റിയൂട്ട്‌ ഓഫ് ഇന്‍ഫര്‍മേഷന്‍ ടെക്‌നോളജി ആന്‍ഡ്‌ മാനേജ്മെന്റ് (ഐഐഐടിഎം), ഗ്വാളിയോര്‍, ബയോഇന്‍ഫര്‍മാറ്റിക്‌സില്‍ എംടെക്‌ കോഴ്‌സ്‌ ഓഫര്‍ ചെയ്യുന്നു. കമ്പ്യൂട്ടര്‍ സയന്‍സിലെ ബിഇ/ബിടെക്‌ ബിരുദക്കാര്‍ക്കും കമ്പ്യൂട്ടര്‍ സയന്‍സ്‌ബിരുദക്കാര്‍ക്കും എന്‍ജിനീയറിംഗ്‌/ഇലക്‌ട്രോണിക്‌സ്‌/ഇലക്‌ട്രിക്കല്‍ എന്‍ജിനിയറിംഗില്‍ 60%മാര്‍ക്കുള്ളവര്‍ക്കും സാധുതയുള്ള ഗേറ്റ്‌ സ്‌കോര്‍ഉള്ളവര്‍ക്കും ഈ കോഴ്‌സിന്‌ പ്രവേശനം ലഭിക്കും.
ബയോഇന്‍ഫര്‍മാറ്റിക്‌സില്‍ എംടെക്‌ കോഴ്‌സ്‌ ഓഫര്‍ ചെയ്യുന്ന മറ്റു ചില സ്‌ഥാപനങ്ങള്‍ ഇനിപറയുന്നു : ഭാരത്‌ യൂണിവേഴ്‌സിറ്റി, സേലായൂര്‍, ചെന്നൈ,ബയോഇന്‍ഫര്‍മാറ്റിക്‌സ്‌ ആന്‍ഡ്‌ ബയോ-മെഡിക്കല്‍ എന്‍ജിനീയറിംഗില്‍ എംടെക്‌ കോഴ്‌സ്‌ഓഫര്‍ ചെയ്യുന്നു. വെബ്‌സൈറ്റ്‌: www.bharathuniv.ac.i. ശാസ്‌ത്ര യൂണിവേഴ്‌സിറ്റി, തഞ്ചാവൂര്‍ ബയോഇന്‍ഫര്‍മാറ്റിക്‌സില്‍ എംടെക്‌ കോഴ്‌സ്‌ ഓഫര്‍ചെയ്യുന്നു.ഹൈദരാബാദ്‌ യൂണിവേഴ്‌സിറ്റി ബയോഇന്‍ഫര്‍മാറ്റിക്‌സില്‍ എംടെക്‌ കോഴ്‌സ്‌ ഓഫര്‍ ചെയ്യുന്നു. വെബ്‌സൈറ്റ്‌ : www.uohydernet.in
https://www.facebook.com/Malayalivartha
