2014-15ലെ ഇന്റഗ്രേറ്റഡ് പഞ്ചവത്സര എല്‍എല്‍ബി കോഴ്സിലേക്ക് 28ന് നടക്കുന്ന പ്രവേശനപരീക്ഷയ്ക്ക് അപേക്ഷ സമര്‍പ്പിച്ചവരുടെ അഡ്മിറ്റ് കാര്‍ഡുകള്‍ പ്രവേശന പരീക്ഷാ കമീഷണറുടെ www.cee.kerala.gov.in  എന്ന വെബ്സൈറ്റില്‍നിന്ന് ഡൗണ്‍ലോഡ് ചെയ്യാം.

 വെബ്സൈറ്റിലെ നിര്‍ദിഷ്ട പേജില്‍ ആപ്ലിക്കേഷന്‍ നമ്പരും, ജന തീയതിയും കൃത്യമായി നല്‍കിയതിനുശേഷം 'Get Admit Card' " എന്ന ലിങ്ക് ക്ലിക് ചെയ്ത് അഡ്മിറ്റ് കാര്‍ഡിന്റെ പ്രിന്റൗട്ട് എടുക്കാം. ഈ അഡ്മിറ്റ് കാര്‍ഡുമായാണ് അപേക്ഷകന്‍ പരീക്ഷാഹാളില്‍ ഹാജരാകേണ്ടത്. തപാല്‍വഴി അഡ്മിറ്റ് കാര്‍ഡ് വിതരണം ചെയ്യില്ല. അപേക്ഷയിലെ അപാകംമൂലം ചില അപേക്ഷകരുടെ പരീക്ഷാഫലം തടഞ്ഞുവയ്ക്കുന്നതാണ്. അവര്‍ അഡ്മിറ്റ് കാര്‍ഡിനായുള്ള ലിങ്ക് ക്ലിക് ചെയ്യുമ്പോള്‍ തങ്ങളുടെ അപേക്ഷയിലെ ന്യൂനതകളുടെ വിശദവിവരങ്ങള്‍ കാണാം. പ്രസ്തുത ന്യൂനതകള്‍ പരിഹരിക്കുന്നതിനുള്ള ഫോര്‍മാറ്റുകളും വെബ്സൈറ്റില്‍ ലഭ്യമാണ്. അത്തരം അപേക്ഷകര്‍ ബന്ധപ്പെട്ട രേഖകള്‍ ഈ ഓഫീസില്‍ 25ന് വൈകിട്ട് അഞ്ചിന് മുമ്പ് നേരിട്ടോ, സ്പീഡ് പോസ്റ്റ്/ രജിസ്റ്റേര്‍ഡ് പോസ്റ്റ് മുഖേനയോ സമര്‍പ്പിച്ച് അവരുടെ അപേക്ഷയിലെ ന്യൂനതകള്‍ പരിഹരിക്കണം. ആപ്ലിക്കേഷന്‍നമ്പരിനുവേണ്ടി പ്രവേശനപരീക്ഷയ്ക്ക് അപേക്ഷിച്ചിട്ടുള്ളവരുടെ സെന്റര്‍ തിരിച്ചുള്ള ലിസ്റ്റ് വെബ്സൈറ്റില്‍ പരിശോധിക്കാം.