പൊതുമേഖല സ്ഥാപനമായ ഒഡെപെക്ക് മുഖേന യു.എ.ഇയിലെ പ്രമുഖ സ്ഥാപനങ്ങളിലേക്ക് പുരുഷ സെക്യൂരിറ്റി ഗാർഡുകളെ റിക്രൂട്ട് ചെയ്യുന്നു. ഉദ്യോഗാർത്ഥികൾ പത്താം ക്ലാസ് പാസായവരും, ഇംഗ്ലീഷ് ഭാഷാ പരിജ്ഞാനവും സെക്യൂരിറ്റി ഗാർഡായി കുറഞ്ഞത് രണ്ട് വർഷം പ്രവൃത്തി പരിചയവും 25-40 വയസിനകത്തുള്ളവരും 5'5'' ഉയരവും ആരോഗ്യമുള്ളവരും സുരക്ഷാ സംവിധാനങ്ങളും നടപടിക്രമങ്ങളെക്കുറിച്ചുള്ള അറിവും പൊതുസുരക്ഷാ നിയമ മാർ​ഗങ്ങളിലുള്ള പരിജ്ഞാനവും ഉള്ളവരുമായിരിക്കണം.

സൈനിക/അർദ്ധ-സൈനിക വിഭാഗത്തിൽ ജോലി ചെയ്തിട്ടുള്ളവർക്ക് മുൻഗണന. ആകർഷകമായ ശമ്പളവും താമസ സൗകര്യവും ലഭിക്കും. വിസ, എയർടിക്കറ്റ് എന്നിവ സൗജന്യമായിരിക്കും. ഉദ്യോഗാർത്ഥികൾ ഫോട്ടോ പതിച്ച ബയോഡേറ്റ, പാസ്പോർട്ട്, പ്രവൃത്തി പരിചയം എന്നിവയുടെ പകർപ്പുകൾ സഹിതം ജൂൺ 10നു മുമ്പ് jobs@odepc.in എന്ന ഇ-മെയിലിലേക്ക് അയയ്ക്കണം. വിശദവിവരങ്ങൾക്ക്: www.odepc.kerala.in, 0471 2329440/41/42/43/45.

ഇതോടൊപ്പം പ്രധാനപ്പെട്ട മറ്റൊരു വർത്തകൂടിയുണ്ട ..ടൂറിസ്സ് വിസയില്‍ പുതിയ ഭേദഗതികളുമായി യു എ ഇ. മുപ്പത് ദിവസത്തേക്കോ അറുപത് ദിവസത്തേക്കോ സന്ദർശക വിസയില്‍ രാജ്യത്ത് എത്തുന്ന വിനോദ സഞ്ചാരികള്‍ക്ക് ഇനി രാജ്യത്തിന് അകത്ത് വെച്ച് തന്നെ അവരുടെ സന്ദർശന കാലാവധി നീട്ടാന്‍ സാധിക്കും.

പരമാവധി 30 ദിവസത്തേക്ക് കൂടിയാവും കാലാവധി വർധിപ്പിക്കാനാവുക. ഫെഡറൽ അതോറിറ്റി ഫോർ ഐഡന്റിറ്റി ആൻഡ് സിറ്റിസൺഷിപ്പ് (ICA), ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്‌സ് അഫയേഴ്‌സ് (GDRFA) എന്നിവരാണ് ഇത് സംബന്ധിച്ച തീരുമാനം പ്രഖ്യാപിച്ചത്.

ഐസിപിയുടെ (ഇമിഗ്രേഷൻ ആൻഡ് സിറ്റിസൺഷിപ്പ് പ്രോഗ്രാം) ഏറ്റവും വലിയ റെസിഡൻസി, എൻട്രി പെർമിറ്റ് പരിഷ്കരണങ്ങളിൽ ഒന്നായിട്ടാണ് പുതിയ ഇളവിനെ വിലയിരുത്തുന്നത്. കഴിഞ്ഞ വർഷം ഒക്ടോബർ മുതൽ യുഎഇ വിസ നടപടിക്രമങ്ങളിൽ കാതലായ നിരവധി മാറ്റങ്ങൾ നടപ്പാക്കിയിട്ടുണ്ട്. അതിനുശേഷം, രാജ്യത്തിന്റെ സന്ദർശന വിസ സംവിധാനത്തിലും വലിയ പരിഷ്കാരങ്ങള്‍ കൊണ്ടുവന്നു.

ഐസിപി വെബ്‌സൈറ്റ് നല്‍കുന്ന വിവരം അനുസരിച്ച്, 30 അല്ലെങ്കിൽ 60 ദിവസത്തെ സന്ദർശന വിസ കൈവശമുള്ള വ്യക്തികൾക്ക് ഇപ്പോൾ 30 ദിവസം കൂടി രാജ്യത്ത് കഴിയാനുള്ള അനുമതി ലഭിക്കും. കൂടാതെ ഒരു സന്ദർശന വിസ ഉടമയുടെ പരമാവധി കാലാവധി വിപുലീകരണ കാലയളവ് 120 ദിവസമാണെന്നും സർക്കാർ വെബ്സൈറ്റ് വ്യക്തമാക്കുന്നു. തനുസരിച്ചു ഒരു വിനോദസഞ്ചാരിയോ സന്ദർശകനോ രാജ്യത്തെ അവരുടെ താമസം നീട്ടാൻ ആഗ്രഹിക്കുന്നുവെങ്കിൽ, അവർക്ക് വിസ ഇഷ്യൂ ചെയ്യുന്ന ട്രാവൽ ഏജന്റിനെയോ സ്പോൺസറെയോ തന്നെയാണ് ബന്ധപ്പെവേണ്ടത്.