നല്ല ശമ്പളമുള്ള ജോലി തേടുകയാണോ നിങ്ങൾ.... എന്നാൽ ഇതാ നിങ്ങൾക്കായി തൊഴിലവസരം ഒരുക്കുകയാണ് ക്ഷീര വികസന വകുപ്പ്. കേരള സർക്കാരിന് കീഴിലുള്ള ക്ഷീര വികസന വകുപ്പിൽ പി.എസ്.സിയില്ലാതെ ജോലി നേടാൻ സുവർണാവസരം ഒരുങ്ങുകയാണ്. യോഗ്യതയുടെയും എക്‌സ്പീരിയൻസിന്റെയും അടിസ്ഥാനത്തിൽ നേരിട്ടുള്ള നിയമനത്തിനാണ് അപേക്ഷ ക്ഷണിച്ചിരിക്കുന്നത്. റിസർച്ച് അസോസിയേറ്റ് ആൻഡ് സബ്ജക്ട് എക്‌സ്‌പേർട്ട്, റിസർച്ച് അസോസിയേറ്റ് ഡാറ്റ അനലിസ്റ്റ്, സിസ്റ്റം അഡ്മിനിസ്‌ട്രേറ്റർ അല്ലെങ്കിൽ ഡി.ബി മാനേജർ, ഡാറ്റ എൻട്രി ഓപ്പറേറ്റർ എന്നിങ്ങനെ നാല് തസ്തികകളിലായി ആകെ അഞ്ച് ഒഴിവുകളാണ് റിപ്പോർട്ട് ചെയ്തിരിക്കുന്നത്. കേരളത്തിലെ വിവിധ ജില്ലകളിൽ ഒഴിവുള്ള പോസ്റ്റുകളിലേക്കാണ് നിയമനം.

ഈ തസ്തികകളിലേക്ക് വേണ്ട യോഗ്യതകൾ.

1.റിസർച്ച് അസോസിയേറ്റ് അല്ലെങ്കിൽ സബ്ജക്ട് എക്‌സ്‌പേർട്ട് ജോലിക്ക് ആണെങ്കിൽ ഏതെങ്കിലും അംഗീകൃത യൂണിവേഴ്‌സിറ്റിയിൽ നിന്ന് ഡയറി ടെക്‌നോളജിയിൽ ബി.ടെക് പൂർത്തിയാക്കി, ക്ഷീര മേഖലയിൽ 5 വർഷത്തെ പ്രവൃത്തി പരിചയമുള്ളവർക്ക് അപേക്ഷിക്കാം. *ഡയറി ഡിപ്പാർട്ട്‌മെന്റിന്റെ ഏതെങ്കിലും സ്ട്രീമിൽ എം.ടെക് പൂർത്തിയാക്കി 2 വർഷത്തെ പ്രവൃത്തി പരിചയം ഉള്ളവർക്കും, അഗ്രി ബിസിനസ് മാനേജ്‌മെന്റിൽ എം.ബി.എ ഉള്ളവർക്കും ഈ തസ്തികയിലേക്ക് മുൻഗണന ഉണ്ടായിരിക്കും.

2.റിസർച്ച് അസോസിയേറ്റ്- ഡാറ്റ അനലിസ്റ്റ് ജോലിക്ക് ആണെങ്കിൽ ഡാറ്റ സയൻസ് അല്ലെങ്കിൽ സ്റ്റാറ്റിസ്റ്റിക്‌സ് അല്ലെങ്കിൽ അഗ്രി സ്റ്റാറ്റിസ്റ്റിക്‌സ് എന്നിവയിലേതെങ്കിലും പി.ജി പൂർത്തിയാക്കി അംഗീകൃത സ്ഥാപനങ്ങളിൽ നിന്ന് 2 വർഷത്തിൽ കുറയാത്ത എക്‌സ്പീരിയൻസ് ഉള്ളവർക്ക് അപേക്ഷിക്കാവുന്നതാണ്.

3.സിസ്റ്റം അഡ്മിനിസ്‌ട്രോർ അല്ലെങ്കിൽ ഡി.ബി മാനേജർ ജോലിക്ക് ആണെങ്കിൽ ബി.ഇ അല്ലെങ്കിൽ ബി.ടെക് ഇൻ ഇൻഫർമേഷൻ ടെക്‌നോളജി അല്ലെങ്കിൽ സി.എസ് അല്ലെങ്കിൽ തത്തുല്യമായ യോഗ്യതയുള്ളവർക്കും, എം.സി.എ എന്നിവയിൽ മൂന്ന് വർഷത്തെ എക്‌സ്പീരിയൻസ് ഉള്ളവർക്കും അപേക്ഷിക്കാവുന്നതാണ്.
മാത്രമല്ല അപേക്ഷകന് MIS projects, Networking protocols,LAN Management, IP addresses and class, Subnetting, Trouble shooting, in other web and network adminitsration aspects എന്നിവയിൽ പ്രവൃത്തി പരിചയം വേണം. കൂടാതെ Data Base Management Systems like PSQL ,MySql തുടങ്ങി എല്ലാ ഡാറ്റാബേസ് റെപ്ലിക്കേഷൻ , ബാക്കപ്പ് & റിക്കവറി , മിററിംഗ്, ഫൈലോവേർ എന്നിവയെക്കുറിച്ച് അറിവുണ്ടായിരിക്കണം.

4.ഡാറ്റ എൻട്രി ഓപ്പറേറ്റർ ജോലിക്ക് ആണെങ്കിൽ കമ്പ്യൂട്ടർ ആപ്ലിക്കേഷനിൽ ഡിപ്ലോമ അല്ലെങ്കിൽ പി.ജി ഡിപ്ലോമ ഉള്ളവർക്ക് അപേക്ഷിക്കാം. ഇതുകൂടാതെ കൂട്ടത്തിൽ രണ്ട് വർഷത്തെ പ്രവൃത്തി പരിചയവും ഉണ്ടായിരിക്കണം.

തെരഞ്ഞെടുക്കപ്പെടുന്നവർക്ക് 20000 മുതൽ 36000 വരെയാണ് ശമ്പള നിരക്ക്. താൽപര്യമുള്ള ഉദ്യോഗാർഥികൾ തിരുവനന്തപുരത്തെ സെന്റർ ഫോർ മാനേജ്‌മെന്റ് ഡവലപ്‌മെന്റ് വെബ്‌സൈറ്റ് സന്ദർശിച്ച് ഫോം പൂരിപ്പിച്ച് ഓൺലൈനായി അപേക്ഷിക്കാം. ഓൺലൈൻ അപേക്ഷ സമർപ്പിക്കുന്നതിനുള്ള ലിങ്ക് ഒക്ടോബർ 25 വൈകുന്നേരം 5 മണിവരെ മാത്രമേ ലഭിക്കുകയുള്ളു. അതിനാൽ താല്പര്യമുള്ള ഉദ്യോഗാർത്ഥികൾ എത്രയും വേഗം തന്നെ അപേക്ഷകൾ സമർപ്പിക്കുക.

പൊതുവായുള്ള നിർദ്ദേശങ്ങൾ
1 ഉദ്യോഗാർത്ഥികൾ ഓൺലൈൻ മോഡ് വഴി മാത്രമേ അപേക്ഷിക്കാവൂ.
2 ഓൺലൈനായി രജിസ്ട്രേഷൻ പ്രക്രിയ പൂർത്തിയാക്കിയതിന് ശേഷം ഒരു ഘട്ടത്തിലും ആപ്ലിക്കേഷൻ ഡാറ്റയിൽ മാറ്റം വരുത്താൻ അനുവദിക്കില്ല എന്നത് ശ്രദ്ധിക്കുക.
3 വിദ്യാഭ്യാസ യോഗ്യതകൾ സർക്കാർ അംഗീകൃത സർവകലാശാല/സ്ഥാപനം/ബോർഡ് എന്നിവയിൽ നിന്നായിരിക്കണം. അപേക്ഷകർ സമർപ്പിക്കുന്ന സമയത്ത് ആവശ്യമായ യോഗ്യതയുടെ സാധുവായ ബിരുദം/പിജി സർട്ടിഫിക്കറ്റ്/പ്രൊവിഷണൽ സർട്ടിഫിക്കറ്റ് ഉണ്ടായിരിക്കണം.
4 ഈ റിക്രൂട്ട്‌മെന്റ് പ്രക്രിയ പൂർത്തിയാകുന്നതുവരെ സജീവമായി സൂക്ഷിക്കേണ്ട സാധുവായ ഒരു വ്യക്തിഗത ഇ-മെയിൽ ഐഡിയും മൊബൈൽ നമ്പറും ഉണ്ടായിരിക്കുക. എല്ലാം ഉദ്യോഗസ്ഥർ
അപേക്ഷകന്റെ രജിസ്റ്റർ ചെയ്ത ഇ-മെയിൽ ഐഡിയിലേക്ക് ആശയവിനിമയം അയയ്ക്കുന്നതാണ്.