ഐഎസ്ആര്‍ഒ യിൽ ബിരുദക്കാര്‍ക്ക് അവസരം
ഇന്ത്യന്‍ സ്‌പേസ് റിസര്‍ച്ച് ഓര്‍ഗനൈസേഷന്‍ (ഐഎസ്ആര്‍ഒ) യിലെ ഒഴിവുള്ള തസ്തികകളില്‍ നിയമനം നടത്തുന്നതിന് സെന്‍ട്രലൈസ്ഡ് റിക്രൂട്ടമെന്റ് ബോര്‍ഡ് അപേക്ഷ ക്ഷണിച്ചു. അസിസ്റ്റന്റ്, അപ്പര്‍ ഡിവിഷന്‍ ക്ലാര്‍ക്ക് എന്നീ തസ്തികകളിലാണ് നിയമനം നടത്തുന്നത്.
യോഗ്യത: ആര്‍ട്‌സ്, കൊമേഴ്സ്, മാനേജ്മെന്റ്, സയന്‍സ്, കംപ്യൂട്ടര്‍ ആപ്ലിക്കേഷന്‍ വിഷയങ്ങളില്‍ ഏതിലെങ്കിലും ഒന്നിൽ ഫസ്റ്റ് ക്ലാസ്സോടെ ബിരുദം. കംപ്യൂട്ടര്‍ പരിജ്ഞാനം അഭിലഷണീയം.
ബഹിരാകാശ വകുപ്പിന് കീഴില്‍ വിവിധ സോണുകളില്‍ പ്രവര്‍ത്തിക്കുന്ന ഐ.എസ്.ആര്‍.ഒ. സെന്ററുകള്‍, യൂണിറ്റുകള്‍, സ്വയംഭരണസ്ഥാപനങ്ങള്‍ എന്നിവയിലായി 313 ഒഴിവുകളുണ്ട്. അവസാന തീയതി ജൂലായ് 31 ആണ്.
എഴുത്ത് പരീക്ഷയുടെയും സ്‌കില്‍ ടെസ്റ്റിന്റെയും അടിസ്ഥാനത്തിലാണ് തിരഞ്ഞെടുപ്പ് നടത്തുക. 2017 ഒക്ടോബര്‍ 15ന് ആയിരിക്കും എഴുത്ത് പരീക്ഷ. കേരളത്തില്‍ തിരുവനന്തപുരമാണ് സെന്റര്‍. അഹമ്മദാബാദ്, ബെംഗളൂരു, ചെന്നൈ, ഡെറാഡൂണ്‍, ഗുവാഹാട്ടി, ഹൈദരാബാദ്, കൊല്‍ക്കത്ത, ന്യൂഡല്‍ഹി എന്നിവയാണ് മറ്റ് പരീക്ഷാ കേന്ദ്രങ്ങള്‍. എഴുത്ത് പരീക്ഷയിലെ മികവിന്റെ അടിസ്ഥാനത്തില്‍ സ്‌കില്‍ ടെസ്റ്റിന് പങ്കെടുക്കാന്‍ അവസരം ലഭിക്കും. ഓണ്‍ലൈന്‍ അപേക്ഷയ്ക്കും കൂടുതല്‍ വിവരങ്ങള്‍ക്കും: www.isro.gov.in
https://www.facebook.com/Malayalivartha
