ശ്രേഷ്ഠമലയാളത്തിന് പ്രൗഢിയേറുന്നു. ഇനിമുതൽ വിദേശ രാജ്യങ്ങളിലെ കുട്ടികളും മലയാളം പറയുകയും എഴുതുകയും ചെയ്യും. മലയാളം മിഷൻ, യൂറോപ്പും അമേരിക്കയും ഉൾപ്പെടെയുള്ള പ്രവാസി മലയാളികളുടെ പുതുതലമുറയെ മലയാളം പഠിപ്പിക്കാൻ ഒരുങ്ങുകയാണ്. ഭാഷ പഠനത്തിന്റെ ആദ്യ പടിയെന്നോണം ബ്രിട്ടൺ, അയർലൻഡ്, ആസ്ട്രേലിയ, ജർമനി, ന്യൂസിലൻഡ്, അമേരിക്ക എന്നീ സ്ഥലങ്ങളിലാണ് ക്ലാസുകൾ ആരംഭിക്കുന്നത്. ഇതിൽ ബ്രിട്ടൺ, അമേരിക്ക, അയർലൻഡ് മുതലായ സ്ഥലങ്ങളിൽ ക്ലാസുകൾ ആരംഭിച്ചു കഴിഞ്ഞു.

വിദേശത്ത് സ്ഥിരതാമസമാക്കിയവരുടെ മക്കൾ മലയാളം സംസാരിക്കുകയും എഴുതുകയും വേണമെന്ന രക്ഷിതാക്കളുഡി ആഗ്രഹമാണ് സഫലമാകുന്നത്. ബ്രിട്ടണിൽ ആറിടങ്ങളിൽ ആരംഭിച്ച മലയാളം ക്ലാസുകളുടെ ഒൗദ്യോഗിക ഉദ്ഘാടനം ഇൗ മാസം 22ന് ലണ്ടനിൽ മന്ത്രി എ.കെ. ബാലൻ നിർവഹിക്കും. ക​ണി​ക്കൊ​ന്ന, സൂ​ര്യ​കാ​ന്തി, ആ​മ്പ​ൽ, നീ​ല​ക്കു​റി​ഞ്ഞി എ​ന്നീ പേരുകളിൽ മ​ല​യാ​ളം മി​ഷ​ൻ ഗ​ൾ​ഫ് രാ​ജ്യ​ങ്ങ​ളി​ൽ നിലവിൽ ക്ലാ​സു​ക​ൾ ന​ട​ത്തു​ന്നു​ണ്ട്. ഇതിൽ ക​ണി​ക്കൊ​ന്ന സ​ർ​ട്ടി​ഫി​ക്ക​റ്റ് കോ​ഴ്സും സൂ​ര്യ​കാ​ന്തി ഡി​പ്ലോ​മ കോ​ഴ്സും മ​റ്റു​ള്ള​വ ഹ​യ​ർ ഡി​പ്ലോ​മ കോ​ഴ്സു​ക​ളു​മാ​ണ്. 10 വർഷം കൊണ്ടാണ് ഈ നാ​ലു കോ​ഴ്സും പൂ​ർ​ത്തി​യാ​ക്കാ​ൻ കഴിയുന്നത്.

മലയാളം പഠിക്കാൻ സന്നദ്ധത പ്രകടിപ്പിച്ച രാജ്യങ്ങളിൽ അവിടെത്തന്നെയുള്ളവരെയാണ് അ​ധ്യാ​പ​ക​രാ​യി തെ​ര​ഞ്ഞെ​ടു​ക്കു​ക. അതിനുശേഷം അവർക്ക് മ​ല​യാ​ളം മിഷന്റെ അ​ധ്യാ​പ​ക പാ​ന​ൽ പ​രി​ശീ​ല​നം ന​ൽ​കും. ഡി.​ഡി​റ്റു​മാ​യി ചേ​ർ​ന്ന്​ വി​ഡി​യോ കോ​ൺ​ഫ​റ​ൻ​സി​ലൂ​ടെ ട്രെയിനിങ് നൽകാനും പദ്ധതിയുണ്ട്. അവധി ദിവസങ്ങളിൽ ആണ് ക്ലാസുകൾ എടുക്കുന്നത്. ക്ലാ​സു​ക​ൾ ന​ട​ക്കു​ന്ന കേ​ന്ദ്ര​ങ്ങ​ളി​ൽ​ത​ന്നെ​യാ​ണു പ​രീ​ക്ഷ. മ​ല​യാ​ളം മി​ഷ​ൻ ത​യാ​റാ​ക്കു​ന്ന ചോദ്യങ്ങളാകും പരീക്ഷക്ക് ഉണ്ടാകുക. ‘എ​വി​ടെ​യെ​ല്ലാം മ​ല​യാ​ളി അ​വി​ടെ​യെ​ല്ലാം മ​ല​യാ​ളം’ എ​ന്ന​താ​ണ്​ മിഷന്റെ കാ​ഴ്ച​പ്പാ​ടെ​ന്ന്.