പി.എസ്.സിക്കും ഫേസ് ബുക്ക് പേജ് ആരംഭിക്കാന് തീരുമാനം
വെബ്സൈറ്റിലെ വിവരങ്ങള്, അറിയിപ്പുകള്, വിജ്ഞാപനങ്ങള്, ഇന്റര്വ്യൂ കലണ്ടര്, പരീക്ഷാ കലണ്ടര്, ബുള്ളറ്റിന് കവര് പേജ് എന്നിവയുള്പ്പെടുത്തി ഫേസ് ബുക്ക് പേജ് ആരംഭിക്കാന് പി. എസ് . സി യോഗം തീരുമാനിച്ചു . വിവരണാത്മക പരീക്ഷകളുടെ മൂല്യനിര്ണയത്തിനുള്ള സോഫ്ട്വെയര് വികസിപ്പിക്കാന് സിഡിറ്റിനെ ഏല്പ്പിക്കും. ഉത്തരപ്പേപ്പറുകള് ഓണ്സ്കീന് മാര്ക്കിംഗ് മാതൃകയില് തയ്യാറാക്കാനാണിത്.
മെഡിക്കല് വിദ്യാഭ്യാസ വകുപ്പില് സീനിയര് ലക്ചറര് (അനാട്ടമി , എന്.സി.എ ഒ.എക്സ് ) തസ്തികയ്ക്ക് രണ്ടുതവണ വിജ്ഞാപനം ചെയ്തിട്ടും ഉദ്യോഗാര്ത്ഥികളെ ലഭിക്കാത്തതിനാല് ഒഴിവുകള് മാതൃറാങ്ക് പട്ടികയില് നിന്ന് നികത്തും.
വിവിധ കമ്പനി/കോര്പ്പറേഷനിലെ എല്.ഡി ടൈപ്പിസ്റ്റ് തസ്തികയുടെ യോഗ്യത സിവില് സപ്ലൈസ് കോര്പ്പറേഷനിലെ ടൈപ്പിസ്റ്റ് തസ്തികയ്ക്ക് ബാധകമാക്കാനും തീരുമാനിച്ചു. പി. എസ് . സിയുടെ എല്ലാ കാര്യങ്ങളും വെബ് സൈറ്റിലുണ്ടെന്നും പി. എസ് .സിയെ സംബന്ധിച്ച് അനാവശ്യ ചര്ച്ചകള്ക്ക് ഫേസ് ബുക്ക് വഴിതുറക്കുമെന്നും പറഞ്ഞ് ചില അംഗങ്ങള് ഇതിനെ എതിര്ത്തു . ഒരു ഇടതുപക്ഷ സര്ക്കാര് ഭരിക്കുന്ന സംസ്ഥാനത്തിന്റെ പി. എസ് . സി ,അമേരിക്കന് കമ്പനിയായ ഫേസ് ബുക്കില് തലവച്ചുകൊടുക്കുന്നതിന്റെ അനാവശ്യകതയും ചിലര് എടുത്തുകാട്ടി. എങ്കിലും , ഫേസ് ബുക്ക് തുറക്കാന് തന്നെ തീരുമാനിക്കുകയായിരുന്നു .
https://www.facebook.com/Malayalivartha
