നടന് ഭഗത് മാനുവലിന്റെ ജീവിതയാത്രയില് കൂട്ടുവരാന് ഒരാള് എത്തി! വീണ്ടും വിവാഹിതനായ നടന്റെ വിശേഷങ്ങള്
യുവനടന് ഭഗത് മാനുവല് പുനര്വിവാഹിതനായി. കോഴിക്കോട് സ്വദേശിനി ഷെലിന് ചെറിയാന് ആണ് വധു. ഭഗതിന്റെ രണ്ടാം വിവാഹമാണ് ഇത്.
ആദ്യ ഭാര്യയായ ഡാലിയയില് നിന്ന് വിവാഹമോചനം നേടിയ ഭഗതിന് ആ ബന്ധത്തില് ഒരു മകന് ഉണ്ട്.
ഷെലിന്റെയും രണ്ടാം വിവാഹമാണ്. ആദ്യ വിവാഹത്തില് അവര്ക്കും ഒരു മകനുണ്ട്. മക്കള്ക്കൊപ്പം നില്ക്കുന്ന ഇരുവരുടെയും ചിത്രവും ഭഗത് ഫെയ്സ്ബുക്കിലൂടെ പങ്കുവച്ചു.
ഇനിയുള്ള എന്റെ യാത്രയില് കൂട്ടുവരാന് ഒരാള് കൂടി എന്ന അടിക്കുറിപ്പോടെയാണ് ഭഗത് ചിത്രം പങ്കുവച്ചത്.
വിനീത് ശ്രീനിവാസന് സംവിധാനം ചെയ്ത മലര്വാടി ആര്ട്സ് ക്ലബ് എന്ന ചിത്രത്തിലൂടെയാണ് ഭഗത് സിനിമാലോകത്ത് എത്തുന്നത്.
പിന്നീട് ഡോക്ടര് ലൗ, തട്ടത്തിന് മറയത്ത്, ഒരു വടക്കന് സെല്ഫി തുടങ്ങി നിരവധി ചിത്രങ്ങളില് ശ്രദ്ധേയമായ വേഷം ചെയ്തു.
https://www.facebook.com/Malayalivartha