സണ്ണിലിയോണ്‍ എത്തുന്ന ആദ്യ മലയാള ചലച്ചിത്രം മധുരരാജ വേള്‍ഡ് വൈഡ് റിലീസ്
ബോളിവുഡ് താരം സണ്ണി ലിയോണ്‍ ആദ്യമായി എത്തുന്ന മലയാള ചലച്ചിത്രം മധുരരാജ വേള്‍ഡ് വൈഡ് റിലീസിനായി ഒരുങ്ങുന്നു. ചിത്രത്തിന്റെ തമിഴ് പതിപ്പാണ് ലോക പ്രേക്ഷകരെ തേടി യാത്ര തിരിക്കുന്നത്. റിലീസിന് തൊട്ടു മുന്നോടിയായി സണ്ണി പ്രേക്ഷകരെ പ്രത്യേകം ക്ഷണിച്ചു കൊണ്ട് ഒരു ഫേസ്ബുക്ക് പോസ്റ്റ് ഇടുന്നു. 'വണക്കം. മധുരരാജ ലോകമെമ്ബാടും റിലീസ് ആകുന്നതില്‍ അതിയായ സന്തോഷമുണ്ട് ' പോസ്റ്റില്‍ മമ്മൂട്ടിയെ ടാഗ് ചെയ്തിട്ടുണ്ട്. ഒക്ടോബര് 18നാണ് റിലീസ്.
മലയാളത്തില്‍ ഏറ്റവും കൂടുതല്‍ കളകഷന്‍ നേടിയ ചിത്രമായ പുലിമുരുകന് ശേഷം വൈശാഖ് സംവിധാനം ചെയ്ത ചിത്രമാണ് മധുരരാജ. ബോക്‌സ് ഓഫിസില്‍ 100 കോടി നേടിയ ചിത്രമാണ്. തിരക്കഥ ഉദയകൃഷ്ണ. ആക്ഷന്‍ കൊറിയോഗ്രാഫി പീറ്റര്‍ ഹെയ്ന്‍. സംഗീതം ഗോപി സുന്ദര്‍. നരേന്‍, നെടുമുടി വേണു, ജഗപതി ബാബു, ജയ്, സലിം കുമാര്‍, അനുശ്രീ, അജു വര്‍ഗീസ്, രമേശ് പിഷാരടി, കലാഭവന്‍ ഷാജോണ്‍, സിദ്ധിഖ് എന്നിവര്‍ മറ്റു കഥാപാത്രങ്ങളാണ്.
https://www.facebook.com/Malayalivartha
