മെഗാസ്റ്റാറിന്റെ ജോണിവാക്കര്‍ വീണ്ടും വരുന്നു...
1992 ഏപ്രില്‍ പത്തിന് റിലീസ് ചെയ്ത മമ്മൂട്ടി ചിത്രമാണ് ജോണി വാക്കര്‍. കോളേജ് പശ്ചാത്തലത്തില്‍ യുവാക്കളുടെ പ്രശ്‌നങ്ങളും ജീവിതവും പറഞ്ഞ ചിത്രം സംവിധാനം ചെയ്തത് മലയാളത്തിലെ പ്രിയപ്പെട്ട സംവിധായകന്‍ ജയരാജ് ആയിരുന്നു. ചിത്രം റിലീസ് ചെയ്തിട്ട് 27 വര്‍ഷങ്ങള്‍ പിന്നിടുമ്‌ബോള്‍ ജോണിവാക്കറിന്റെ രണ്ടാം ഭാഗത്തിനായി ജയരാജ് ഒരുങ്ങുന്നു എന്നാണ് പുതിയ റിപ്പോര്‍ട്ടുകള്‍ സൂചിപ്പിക്കുന്നത്. മമ്മൂട്ടി മരിക്കുന്നതാണ് ജോണിവാക്കറിന്റെ ക്ലൈമാക്‌സ്. രണ്ടാംഭാഗത്തില്‍ എന്നാല്‍ മമ്മൂട്ടി ആയിരിക്കില്ല നായകനായി എത്തുക. ചിത്രത്തില്‍ മമ്മൂട്ടിയുടെ സഹായിയായിരുന്ന കുട്ടപ്പായി എന്ന കഥാപാത്രത്തിലൂടെ ജോണിവാക്കര്‍ രണ്ടാംഭാഗം ഒരുക്കാനാണ് സംവിധായകന്‍ ജയരാജ് തീരുമാനിച്ചിരിക്കുന്നത് എന്നാണ് സൂചനകള്‍.
ജൂനിയര്‍ ജോണിവാക്കര്‍ ആകാന്‍ ജയരാജ് ആദ്യം സമീപിച്ചത് ദുല്‍ഖര്‍ സല്‍മാനെ ആയിരുന്നുവെന്നും എന്നാല്‍ മമ്മൂട്ടി ചെയ്തുവെച്ച സിനിമകളുടെയും കഥാപാത്രങ്ങളുടെയും തുടര്‍ച്ച ചെയ്യാന്‍ തനിക്ക് താല്‍പര്യമില്ല എന്ന് പറഞ്ഞ ദുല്‍ഖര്‍ ഒഴിഞ്ഞുമാറുകയായിരുന്നു എന്നാണ് റിപ്പോര്‍ട്ടുകള്‍.എന്തായാലും ജൂനിയര്‍ ജോണിവാക്കറുമായി മുന്നോട്ടുപോകാന്‍ തീരുമാനിച്ചിരിക്കുന്ന ജയരാജ് കുട്ടപ്പായി എന്ന കഥാപാത്രത്തിന് യോഗ്യനായുള്ള ഒരു താരത്തെ അന്വേഷിച്ചുകൊണ്ടിരിക്കുകയാണ് എന്നാണ് അറിയാന്‍ കഴിയുന്നത്. രണ്ട് പതിറ്റാണ്ടുകള്‍ക്കപ്പുറം ഒരു ചിത്രത്തിന്റെ രണ്ടാം ഭാഗം അണിയറയിലൊരുങ്ങുന്നു എന്ന വിവരം പ്രേക്ഷകരില്‍ വളരെ വലിയ ആകാംക്ഷയാണുണര്‍ത്തിയിരിക്കുന്നത്.
https://www.facebook.com/Malayalivartha
