ഗോവ ചലച്ചിത്രോത്സവത്തിൽ 'ഉയരെ'. മലയാളത്തിൽ നിന്നും ഇടം നേടിയിരിക്കുകയാണ് ഈ ചിത്രം. നവാഗത സംവിധായകന്‍ ഒരുക്കിയ ചിത്രത്തിനുള്ള പുരസ്‌കാരത്തിനായിട്ടാണ് ചിത്രം പരിഗണിക്കുന്നത് . അല്‍ജേറിയന്‍ സിനിമ എണ്‍ബൌ ലെയ്ല, കൊറിയന്‍ സിനിമ റൊമാംഗ്, റൊമാനിന സിനിമ മോണ്‍സ്റ്റേഴ്സ്, യുഎസ് സിനിമ മൈ നേയിം ഈസ് സാറ, ക്ലീയോ എന്നീ സിനിമകളാണ് ഈ വിഭാഗത്തില്‍ മത്സരിക്കുന്നത് .

നവംബർ 20 മുതല്‍ 28 വരെയാണ് ചലച്ചിത്രോത്സവം നടക്കുന്നത് . ഹെല്ലാരോ സിനിമ ഇന്ത്യയില്‍ നിന്ന് മത്സരത്തിനുണ്ട്. നവാഗത പുരസ്‌കാരം ,രജത മയൂരവും പ്രശസ്തിപത്രവും 10,000,00 രൂപയുടെ ക്യാഷ് അവാര്‍ഡും ഉള്‍പ്പെടുന്നതാണ് അംഗീകാരം . മനു അശോകൻ സംവിധാനം ചെയ്‍ത ചിത്രത്തിൽ പാർവതിയായിരുന്നു നായികയായി എത്തിയത് . പ്രേക്ഷകപ്രീതി നേടിയ ചിത്രമായിരുന്നു ഉയരെ.