കൂടത്തായ് കൂട്ടകൊലപാതക പരമ്പരയിലെ മുഖ്യ പ്രതി സീരിയൽ കില്ലർ ജോളിയുടെ കഥ ഇനി സിനിമയിലൂടെ കാണാം . അണിയറക്കാർ സിനിമയുടെ ഫസ്റ്റ് ലുക്ക് പോസ്റ്റർ പുറത്തു വിട്ടു. സിനിമ എത്തുന്നതാകട്ടെ കൂടത്തായി എന്ന പേരിലാണ്. സിനിമ താരം ഡിനി ഡാനിയേലാണ് കേന്ദ്രകഥാപാത്രമായി ചിത്രത്തിൽ എത്തുന്നത്. റോണക്‌സ് ഫിലിപ്പിന്റെ സംവിധാനത്തിലാണ് ചിത്രം പുറത്തിറങ്ങുന്നത്. വിജീഷ് തുണ്ടത്തില്‍ തിരക്കഥ എഴുതുന്ന സിനിമ അലക്‌സ് ജോസഫാണ് നിര്‍മ്മിക്കുന്നത്. സിനിമയുടെ ഷൂട്ടിംഗ് അടുത്ത മാസം പത്താം തിയ്യതി ആരംഭിക്കുമെന്നാണ് ഇപ്പോൾ അറിയുന്നത്. സിനിമയുടെ തിരക്കഥ പൂർത്തിയായി . ഗാനങ്ങൾ റെക്കോർഡ് ചെയ്യാൻ ഒരുങ്ങുകയാണെന്ന് ഫേസ്ബുക്ക് പോസ്റ്റിലൂടെ അണിയറക്കാർ വ്യക്തമാക്കി .

കൂടത്തായി കൂട്ടക്കൊലയുമായി ബന്ധപ്പെട്ട് ആന്റണി പെരുമ്പാവൂർ സിനിമ നിർമിക്കുന്നുവെന്ന് മുൻപ് വാർത്തകൾ ഉണ്ടായിരുന്നു. അന്വേഷണ ഉദ്യോഗസ്ഥനായി എത്തുന്നത് മോഹൻലാലും. എന്നാൽ കൊലപാതക പരമ്പരയെ പ്രമേയമാക്കിയുള്ള ചിത്രം നേരത്തേ പ്രഖ്യാപിച്ചതെന്ന് നടി ഡിനി ഡാനിയൽ വ്യക്തമാക്കി. മോഹൻ ലാലിൻറെ സിനിമയ്ക്ക് മുൻപായി ഈ സിനിമ വരുമെന്ന കാര്യത്തിൽ സംശയം വേണ്ട. കേരളത്തിലും സിനിമയിലും മാത്രം ഒതുങ്ങുന്നില്ല അന്താരാഷ്ട്ര മാധ്യമങ്ങളിലും ഈ കൊലപാതക പരമ്പര ചർച്ചയായിട്ടുണ്ട്. അമേരിക്കയിലെ പ്രശസ്ത ദിനപ്പത്രം ‘ദ ന്യൂയോര്‍ക്ക് ടൈംസ്’ലാണ് കൂടത്തായി കൊലപാതക പരമ്പര വാർത്തയായിരിക്കുന്നത്. ആറു കൊലപാതകങ്ങള്‍ നടത്തിയ മുഖ്യപ്രതി ജോളിയെയും പൊന്നാമറ്റം തറവാടിനെയും വിശദമായി പരാമര്‍ശിച്ചു കൊണ്ടുള്ള വാർത്തയാണ് വന്നിരിക്കുന്നത്. പാകിസ്ഥാൻ പത്രവും ഇത് വാർത്തയാക്കിയിരുന്നു.