കിലോമീറ്റേഴ്സ് ആന്ഡ് കിലോമീറ്റേഴ്സ് ഓണത്തിന് ടിവിയില് റിലീസിനൊരുങ്ങുന്നതായി റിപ്പോര്ട്ട്
ടൊവിനോ തോമസ് നായകനാവുന്ന 'കിലോമീറ്റേഴ്സ് ആന്ഡ് കിലോമീറ്റഴ്സ്' ഒ.ടി.ടി റിലീസിന് പകരം നേരിട്ട് ടെലിവിഷന് റിലീസിനൊരുങ്ങുന്നതായി റിപ്പോര്ട്ട്്. ആന്േറാ ജോസഫ് നിര്മിച്ച ചിത്രം ഏഷ്യാനെറ്റില് ഓണത്തിനായിരിക്കും ചിത്രത്തിന്റെ ആദ്യ പ്രദര്ശനം. പൈറസി നേരിട്ടതിനെ തുടര്ന്ന് ഒടിടി റിലീസായി ചിത്രം പ്രേക്ഷകരിലേക്കെത്തിക്കാന് ആലോചിക്കുകയാണെന്ന് നിര്മാതാവായ ആന്േറാ ജോസഫ് കഴിഞ്ഞ ദിവസം അറിയിച്ചിരുന്നു. ഒ.ടി.ടി റിലീസ് ചെയ്യാന് അനുവദിക്കണമെന്ന് ആവശ്യപ്പെട്ട് നിര്മാതാവായ തിയറ്റര് സംഘടനയെ സമീപിക്കുകയും അവരുടെ അനുമതി ലഭിക്കുകയും ചെയ്തു.
ഒടിടി റിലീസുകളെ എതിര്ത്തിരുന്ന തീയേറ്റര് ഉടമകളുടെ സംഘടന ഫിയോക്, ആന്റോ ജോസഫിന്റെ സിനിമയ്ക്ക് ഇളവനുവദിക്കുന്നതായി പ്രസ്താവന ഇറക്കിയെങ്കിലും, ചിത്രം ടെലിവിഷന് റിലീസായി പ്രേക്ഷകരിലേക്കെത്തിക്കാന് തീരുമാനിക്കുകയായിരുന്നു. ജിയോ ബേബി സംവിധാനം ചെയ്യുന്ന ചിത്രത്തില് സിദ്ധാര്ത്ഥ് ശിവ, ജോജു ജോര്ജ്ജ്, ബേസില് ജോസഫ്, സുധീഷ് രാഘവന്, മാലാ പാര്വ്വതി, മുത്തുമണി തുടങ്ങിയവരും പ്രധാന വേഷങ്ങളിലുണ്ട്. സിനു സിദ്ധാര്ത്ഥ് ഛായാഗ്രഹണവും സൂരജ് എസ് കുറുപ്പ് സംഗീതവും നിര്വ്വഹിച്ചിരിക്കുന്നു. സുഷിന് ശ്യാമാണ് പശ്ചാത്തല സംഗീതം.
https://www.facebook.com/Malayalivartha
