നമ്മളൊരുപാട് സ്നേഹിച്ച് ഒരുമിച്ച് സ്വപ്നം കണ്ട് പെട്ടെന്നൊരു സുപ്രഭാതതത്തില് നമ്മുടെ സ്നേഹം തിരിച്ചറിയാതെ ഗുഡ് ബൈ പറഞ്ഞുപോവുന്ന എക്സിന് വേണ്ടിയാണ് പ്രാര്ത്ഥിക്കേണ്ടത്; എല്ലാവരും പോവുന്ന വഴിയെയല്ല നമുക്ക് മാറി ചിന്തിക്കാം! വൈറലായി സൂരജ് സണിന്റെ വാക്കുകൾ
അഭിനയ രംഗത്ത് സജീവമല്ലെങ്കിലും ഓരോ മിനിസ്ക്രീൻ പ്രേക്ഷകരുടെയും പ്രിയപ്പെട്ട താരമാണ് സൂരജ് സൺ. താരത്തിന്റെ ഓരോ യൂട്യൂബ് വിഡിയോയും, ഫേസ്ബുക്ക് കുറിപ്പുകളും നിമിഷനേരങ്ങൾക്കുള്ളിലാണ് വൈറലാകുന്നത്. നമ്മള് ആര്ക്ക് വേണ്ടി പ്രാര്ത്ഥിക്കണമെന്ന് അറിയോ എന്ന് പറഞ്ഞായിരുന്നു സൂരജ് പുതിയ വീഡിയോ പോസ്റ്റ് ചെയ്തിരിക്കുന്നത്.
നമ്മളേറ്റവും കൂടുതല് പ്രാര്ത്ഥിക്കേണ്ടത് നമ്മുടെ എക്സിന് വേണ്ടിയാണ്. നമ്മളൊരുപാട് സ്നേഹിച്ച്, ഒരുപാട് സ്വപ്നം കണ്ട് പെട്ടെന്നൊരു സുപ്രഭാതതത്തില് നമ്മുടെ സ്നേഹം തിരിച്ചറിയാതെ പലപല കാരണങ്ങള് പറഞ്ഞ് ഗുഡ് ബൈ പറഞ്ഞുപോവുന്ന എക്സിന് വേണ്ടിയാണ് പ്രാര്ത്ഥിക്കേണ്ടത്.
നമ്മൂടെ ജീവിതത്തില് ചെറിയ മാറ്റമല്ല വലിയ മാറ്റമുണ്ടാക്കുന്നത് പല എക്സുകളാണ്. പലര്ക്കും അത് ഉള്ക്കൊള്ളാന് പറ്റില്ലെങ്കിലും പലരുടേയും ജീവിതത്തില് നല്ലതും ചീത്തയുമായ മാറ്റങ്ങള് ഉണ്ടാക്കിയിട്ടുള്ളത് എക്സുകളാണ്.
ഞാന് വേണ്ടെന്ന് പറഞ്ഞ് പോയാല് അവന്റെ അല്ലെങ്കില് അവളുടെ അവസ്ഥ പരിതാപകരമായിരിക്കും എന്നാണ് ഏതൊരു എക്സും ചിന്തിക്കുന്നത്. പഠിക്കാനോ ജോലി ചെയ്യാനോ കഴിയാതെ ജീവിതം അവസാനിപ്പിക്കുന്നവരും കാണും, ചിലരാവട്ടെ കടുത്ത ഡിപ്രഷനിലാവും.
ആ വ്യക്തി പോയത് താങ്ങാന് പറ്റാതെ പല കാര്യങ്ങളും ചെയ്യാറുണ്ട്. നമ്മള് സത്യസന്ധതയോടെ ആത്മാര്ത്ഥമായി സ്നേഹിച്ചതാണ്, അത് അവന് അല്ലെങ്കില് തിരിച്ചറിയാന് പറ്റിയില്ല, അത് അവരുടെ തെറ്റാണ്.
ഇങ്ങനെയല്ല നമ്മള് ഇതേക്കുറിച്ച് മറിച്ച് ചിന്തിക്കുകയാണ്. അവന് അല്ലെങ്കില് അവള്ക്ക് വേണ്ടി പ്രാര്ത്ഥിക്കുക. എനിക്കൊന്നും സംഭവിച്ചിട്ടില്ല. എന്റെ ജീവിതത്തിലെ നല്ല മാറ്റങ്ങള് അവര്ക്ക് കാണിച്ചുകൊടുക്കണം.
നാളെ തിരിച്ചുവന്നാല് സ്വീകരിക്കുകയൊന്നുമില്ല. ഡിപ്രഷന് സ്റ്റേജില് നിന്ന് തിരിച്ചുകയറുമ്പോള് നമുക്ക് എത്തിച്ചേരാന് പറ്റാവുന്നത്ര ഉയരത്തില് പോവാനുള്ള പവര് ലഭിക്കും, ഡിപ്രഷനെ അതിജീവിച്ചവര് കയറുന്നൊരു കയറ്റമുണ്ട്.
അടുത്ത ആള് അകലുമ്പോഴും അകലുന്ന ആള് അടുക്കുമ്പോഴും ശ്രദ്ധിക്കണം. അവര് പിന്നീട് തിരിച്ച് വരുമ്പോള് അത് സ്വീകരിക്കേണ്ടതില്ല. ഒരു പൊസിഷനിലും അല്ലാതെ നില്ക്കുമ്പോള് ഒന്നും കാണില്ല. ആ സമയത്താണ് എവിടെയെങ്കിലും എത്താനുള്ള എനര്ജി കിട്ടുക.
എല്ലാത്തിനോടും പോരാടാനുള്ള എനര്ജിയാണ് ഇത് പോലെയുള്ള വിട്ട് പോവലിനിടയില് ലഭിക്കുന്നത്. മരിക്കാനുള്ള ആവേശത്തെ നമ്മള് ജീവിക്കാനുള്ള ആവേശമാക്കി മാറ്റുക. എല്ലാരും പോവുന്ന വഴിയെ പോവാതെ മാറ്റി ചിന്തിക്കുകയെന്നുമായിരുന്നു സൂരജ് പറഞ്ഞത്.
https://www.facebook.com/Malayalivartha
