മഞ്ജു വാര്യരുടെ അഭിനയ ജീവിതത്തിലെ ഏറ്റവും മികച്ചത്...! യു.എ.ഇയിൽ പ്രധാന റോഡ് അടച്ച് ചിത്രീകരണം,'ആയിഷ' ചുറ്റിപ്പറ്റിയുള്ള വിവരങ്ങൾ എല്ലാം ശ്രദ്ധനേടുന്നു. ക്ലാസ്മേറ്റ്സിലെ റസിയ എന്ന വേഷത്തിലുടെ ഏറേ ശ്രദ്ധേയയായ നടി രാധികയും ചിത്രത്തിൽ സുപ്രധാന വേഷത്തിൽ...!
മലയാളികൾ നെഞ്ചിലേറ്റിയ പ്രിയ താരമാണ് നടി മഞ്ജു വാര്യർ. താരത്തിന്റെ അഭിനയ ജീവിതത്തിലെ ഏറ്റവും മികച്ച കഥാപാത്രമായാണ് 'ആയിഷ' ഒരുങ്ങുന്നത്. അതിനാൽ തന്നെ ആയിഷയെ ചുറ്റിപ്പറ്റിയുള്ള വിവരങ്ങൾ എല്ലാം തന്നെ ശ്രദ്ധനേടുകയാണ്. ഇപ്പോൾ യുഎഇയിൽ പ്രധാന റോഡ് അടച്ച് ചിത്രീകരണം നടത്തുന്നതിന്റെ വീഡിയോയാണ് പുറത്തു വന്നത്.
ചിത്രത്തിൽ നടൻ പ്രഭുദേവയാണ് കെറിയോഗ്രാഫി ചെയ്യുന്നത്. നീണ്ട ഇടവേളയ്ക്കു ശേഷമാണ് പ്രഭുദേവ ഒരു മലയാള സിനിമയില് നൃത്ത സംവിധായകനായി എത്തുന്നത്. ക്ലാസ്മേറ്റ്സിലൂടെ ഏറേ ശ്രദ്ധേയയായ നടി രാധികയും ചിത്രത്തിൽ സുപ്രധാന വേഷം ചിത്രത്തിൽ അവതരിപ്പിക്കുന്നുണ്ട്.മലയാളത്തിനു പുറമെ തമിഴ്, തെലുങ്ക്, കന്നഡ, ഹിന്ദി, ഇംഗ്ലീഷ്, അറബിക് ഭാഷകളിലും ചിത്രം പുറത്തിറങ്ങും. വിദേശ താരങ്ങളും ചിത്രത്തിൽ അണിനിരക്കുന്നു.
ആഷിഫ് കക്കോടിയാണ് ചിത്രത്തിന്റെ രചന.ക്രോസ് ബോര്ഡര് ക്യാമറയുടെ ബാനറില് സക്കറിയയാണ് നിര്മ്മാണം. ഫെതര് ടച്ച് മൂവി ബോക്സ്, ഇമാജിന് സിനിമാസ്, ലാസ്റ്റ് എക്സിറ്റ് സിനിമാസ് എന്നീ ബാനറുകളില് ശംസുദ്ദീന്, സക്കറിയ വാവാട്, ഹാരിസ് ദേശം, അനീഷ് പി ബി എന്നിവരാണ് ഈ ചിത്രത്തിന്റെ സഹ നിർമ്മാതാക്കൾ.
ബി കെ ഹരിനാരായണൻ, സുഹൈല് കോയ എന്നിവരുടെ വരികൾക്ക് എം ജയചന്ദ്രന് സംഗീതം പകരുന്ന ഈ ചിത്രത്തില് പ്രശസ്ത ഇന്ത്യൻ, അറബി പിന്നണി ഗായകര് പാടുന്നു. ഛായാഗ്രഹണം വിഷ്ണു ശര്മ്മ.
https://www.facebook.com/Malayalivartha
