പ്രേക്ഷകരുടെ മനസിലെ ചെറിയ മുറിവ് നൽകിയാണ് ഹൃദയം എന്ന സിനിമ കടന്നുപോകുന്നത്. പ്രണവ് മോഹൻലാൽ നായകനായി എത്തിയ ഹൃദയം എന്ന സിനിമ വലിയ പ്രേക്ഷക പിന്തുണയാണ് ലഭിച്ചത്. അതോടൊപ്പം തന്നെ ഏറെ ചർച്ചയായത് ആരും ശ്രദ്ധിക്കാതെ പോയ മായ എന്ന കഥാപാത്രമാണ്. ദർശനയോടുള്ള വാശിക്ക് അരുൺ സ്നേഹിക്കുന്ന മായ അവസാനം ഏറെ ദുഖിക്കേണ്ട അവസ്ഥയിലേക്ക് എത്തുകയാണ്. ഇതിനെ ആധാരമാക്കി ഒരു കുറിപ്പ് വൈറലാകുകയാണ്. മൂവീ സ്ട്രീറ്റ് എന്ന ഗ്രൂപ്പിൽ ഷാനു എന്ന യുവാവാണ് കുറിപ്പ് പങ്കുവച്ചിരിക്കുന്നത്.

'ഒരു പെണ്ണിന്റ ജീവിതം അപ്പാടെ നശിപ്പിച്ചു കളയാൻ ഏറ്റവും നൂതനമായ മാർഗം അവളെ ആവോളം സ്നേഹിച്ച ശേഷം അല്ലെങ്കിൽ സ്നേഹിക്കുന്ന പോലെ അഭിനയിച്ച ശേഷം വഴിയിൽ ഉപേക്ഷിച്ചു കളയുക എന്നതാകുന്നു. ഹൃദയം എന്ന സിനിമയിൽ ആകെ റിയലസ്റ്റിക് ആയി തോന്നിയതും അങ്ങനെ പാതി വഴിയിൽ ഉപേക്ഷിക്കപ്പെട്ടു പോയ ഒരുവളെ മാത്രമാണ്. അങ്ങനെ ഉള്ള ഒരുവൾക്ക് ബാക്കിയുള്ള വഴിയിലൂടെ എഴുന്നേറ്റ് നടക്കുക എന്നതാകും അവളുടെ പിന്നീടുള്ള ജീവിതത്തിലെ ഏറ്റവും വലിയ ടാസ്ക്.' എന്നും

ഫേസ്ബുക്ക് കുറിപ്പ് ഇങ്ങനെ;

ഒരു പെണ്ണിന്റ ജീവിതം അപ്പാടെ നശിപ്പിച്ചു കളയാൻ ഏറ്റവും നൂതനമായ മാർഗം അവളെ ആവോളം സ്നേഹിച്ച ശേഷം അല്ലെങ്കിൽ സ്നേഹിക്കുന്ന പോലെ അഭിനയിച്ച ശേഷം വഴിയിൽ ഉപേക്ഷിച്ചു കളയുക എന്നതാകുന്നു. ഹൃദയം എന്ന സിനിമയിൽ ആകെ റിയലസ്റ്റിക് ആയി തോന്നിയതും അങ്ങനെ പാതി വഴിയിൽ ഉപേക്ഷിക്കപ്പെട്ടു പോയ ഒരുവളെ മാത്രമാണ്. അങ്ങനെ ഉള്ള ഒരുവൾക്ക് ബാക്കിയുള്ള വഴിയിലൂടെ എഴുന്നേറ്റ് നടക്കുക എന്നതാകും അവളുടെ പിന്നീടുള്ള ജീവിതത്തിലെ ഏറ്റവും വലിയ ടാസ്ക്.

ഒരു പക പോക്കലിന് വേണ്ടി മാത്രം തന്നെ ഉപയോഗപ്പെടുത്തിയിരുന്ന അരുണിന്റെ ജീവിതത്തിൽ നിന്നും വഴി മാറി നടക്കാൻ അവൾ തീരുമാനിക്കുന്നത് അവനെ ഏറ്റവും ആവിശ്യമുള്ള സമയത്ത് കൂടിയാണ്.
അച്ഛന്റെ മരണ ശേഷം ഒറ്റപെട്ട് പോയ തന്നോട് അരുൺ കാണിക്കുന്ന സ്നേഹം വെറും സഹതാപത്തിന്റെ പുറത്താണ് എന്ന് കൃത്യമായി അറിയുന്ന മായ അതുറപ്പ് വരുത്തുന്നത് "നീ എപ്പോഴെങ്കിലും ദർശനയേ സ്നേഹിച്ച പോലെ എന്നെ സ്നേഹിച്ചിട്ടുണ്ടോ " എന്ന ഒരൊറ്റ ചോദ്യം കൊണ്ടായിരുന്നു. മായക്ക് അരുണിനോട് ചേർന്ന് നടക്കാൻ എല്ലായ്പോഴും അല്ലെങ്കിലും എപ്പോഴെങ്കിലും താനും അത് പോലെ സ്നേഹിക്കപ്പെട്ടിട്ടുണ്ട് എന്ന ഒരു മറുപടി മാത്രം മതിയായിരുന്നു. നിർഭാഗ്യവശാൽ..

ആദ്യ കാഴ്ചയിൽ തന്നെ മനസ്സിൽ ദിവ്യ പ്രണയം പൊട്ടി മുളയ്ക്കുന്ന, പെൺകുട്ടികളുടെ കണ്ണിൽ നോക്കി കമ്മിറ്റഡ് ആണോ എന്ന് പ്രവചിക്കാൻ കഴിയുന്ന, ഒരു ചരക്ക് പെണ്ണ് മുൻപിൽ വന്നു നിന്ന് ലവർ ഉണ്ടോ എന്ന് ചോദിച്ചാൽ മനസ്സ് പതറി പോകുന്ന കാമുകന് എന്തിനും തയ്യാറായി ചങ്ക് പറിച്ചു സ്നേഹിച്ച ഒരുവളുടെ മനസ്സ് മാത്രം കാണാൻ കഴിഞ്ഞില്ല. പൂർണമായും തന്റെതല്ല എന്ന് ഉറപ്പു വരുത്തിയ ശേഷം മായ അരുണിന്റെ കവിളത്തു ഒരു ചുംബനം നൽകുന്നുണ്ട്. എപ്പോഴെങ്കിലും തൻറെതാകുമെന്ന് സ്വപ്നം കണ്ടു അത് വരെ മനസ്സിൽ സ്വരുകൂട്ടി വെച്ച മുഴുവൻ സ്നേഹവും, എല്ലാം നഷ്ടപ്പെട്ടു പോകുന്നതിന്റെ വേദനയും ആ ഒരൊറ്റ ചുംബനത്തിലുണ്ടായിരുന്നു. ഹൃദയം മുഴുവൻ കണ്ടു കഴിഞ്ഞപ്പോൾ ഹൃദയത്തിൽ തൊട്ടത് ആ ഒരു ചുംബനവും നഷ്ടപ്പെട്ടു പോയ മായയുടെ പ്രണയവും മാത്രമായിരുന്നു.