ഓമനമൃഗങ്ങളെ ഒരുപാട് ഇഷ്ടപ്പെടുകയും വളര്‍ത്തുകയും ചെയ്ത നടന്‍ അനൂപ് മേനോന്‍ ഇനി അവയെ വളര്‍ത്തില്ലെന്ന് തീരുമാനമെടുത്തിരിക്കുന്നു. എന്താണ് അതിന്റെ കാരണമെന്താണോ ചിന്തിക്കുന്നത്.അത് അവയോടുള്ള ഇഷ്ടക്കേടുകൊണ്ടല്ല,ഇഷ്ടക്കൂടുതല്‍ കൊണ്ടാണ്. ആ കാരണം അനൂപ് തന്നെ കഴിഞ്ഞ ദിവസം വെളിപ്പെടുത്തി. ലോ കോളേജിലെ ദിനങ്ങള്‍ ഓര്‍ത്തെടുത്ത് അനൂപ് പോസ്റ്റ് ചെയ്ത ഫേസ്ബുക് കുറിപ്പിലാണ് ഇക്കാര്യം ചൂണ്ടിക്കാട്ടിയത്. ലോ കോളേജില്‍ തിരുവനന്തപുരത്ത് പഠിക്കുമ്പോള്‍ അനൂപിനൊരു നായയുണ്ടായിരുന്നു. ഈ നായയും അനൂപും ടെറസില്‍ നില്‍ക്കുന്നതാണ് ചിത്രം. അനൂപിന്റെ അച്ഛനാണ് പഴയൊരു ആല്‍ബത്തില്‍ നിന്നും ഈ ചിത്രം അയച്ച് കൊടുത്തത്. ഓമനമൃഗമായി അനൂപിന്റെ ജീവിതത്തില്‍ ഈ ഒരു നായ മാത്രമേ ഉണ്ടായിരുന്നൊള്ളൂ. ഇത് ചത്തപ്പോള്‍ അനൂപിന് സഹിക്കാനായില്ല. നാലാഴ്ച ഈ വേദനമൂലം അനൂപ് കരഞ്ഞു. അന്നെടുത്ത തീരുമാനമാണ് ഇനി ഒരു ഓമന മൃഗത്തേയും വളര്‍ത്തില്ല എന്ന്. ഒരു മനുഷ്യജീവന്‍ നഷ്ടപ്പെടുമ്പോഴുണ്ടാകുന്ന അതേ വേദനയാണ് ഒരു മൃഗത്തെ നഷ്ടപ്പെടുമ്പോഴും ഉണ്ടാവുന്നതെന്നും അനൂപ് പറയുന്നു. 

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha