ആടുപുലിയാട്ടം എന്ന ജയറാം ചിത്രത്തില്‍ അഭിനയിക്കാനുള്ള ക്ഷണം ജ്യുവല്‍ മേരി നിരസിച്ചത് മുമ്പ് വാര്‍ത്തകളില്‍ നിറഞ്ഞിരുന്നു. ചിത്രത്തില്‍ യുവനായകനല്ലെന്നും കഥ മോശമെന്നും ആരോപിച്ചായിരുന്നു ജ്യുവലിന്റെ പിന്മാറ്റമെന്നായിരുന്നു അന്ന് കഥ പ്രചരിച്ചിരുന്നത്. എന്നാല്‍ ജ്യുവല്‍ മേരി ഇക്കാര്യം നിഷേധിച്ചിരുന്നെങ്കിലും ചിത്രത്തിന്റെ നിര്‍മ്മാതാക്കള്‍ ഇക്കാര്യത്തില്‍ ഉറച്ച് നില്ക്കുകയാണ്.
ഇപ്പോള്‍ ഇതാ ചിത്രം തിയേറ്ററുകളില്‍ പ്രദര്‍ശനം തുടരുമ്പോള്‍ നിര്‍മ്മാതാക്കള്‍ ജ്യുവല്‍ മേരിയോട് മധുരപ്രതികാരം തീര്‍ത്തിരിക്കുകയാണ്,ചിത്രത്തിന്റെ അന്‍പതാം ദിനാ ഘോഷത്തിന് ജ്യുവലിനെ മുഖ്യാതിഥിയായി ക്ഷണിച്ചു കൊണ്ടാണ് നിര്‍മ്മാതാക്കള്‍ പ്രതികാരം തീര്‍ത്തത്. നിര്‍മ്മാതാക്കളായ നൗഷാദ് ആലത്തൂര്‍, ഹസീബ് ഹനീഫ് എന്നിവര്‍ ഫേസ്ബു ക്കിലൂടെയാണ് ഇക്കാര്യം അറിയിച്ചത്.
ആടുപുലിയാട്ടത്തിന്റെ അന്‍പതാം ദിന വിജയാഘോഷത്തിലേക്ക് ജ്യുവലിനെ ക്ഷണിക്കുന്നതാ യി നിര്‍മ്മാതാക്കള്‍ ഫേസ്ബുക്ക് പോസ്റ്റിട്ടു. ചിത്രത്തില്‍ നിന്ന് ജ്യുവല്‍ മേരി പിന്മാറിയ തിനെ തുടര്‍ന്ന് ഷീലു ഏബ്രഹാമാണ് ആ വേഷം ചെയ്തത്. തെന്നിന്ത്യന്‍ താരം രമ്യ കൃഷ്ണന്‍, ബോളിവുഡ് താരം ഓംപുരി, ബേബി അക്ഷര എന്നിവരാണ് ചിത്രത്തിലെ മറ്റ് താരങ്ങള്‍
പത്തേമാരി, ഉട്ടോപ്യയിലെ രാജാവ് എന്നീ മമ്മൂട്ടി ചിത്രങ്ങളിലൂടെ അഭിനയ രംഗത്തെത്തിയ ജുവല്‍ മേരി ടെലിവിഷന്‍ രംഗത്തും സജീവമാണ്. ഉട്ടോപ്യയിലെ രാജാവ് എന്ന സിനിമയുടെ നിര്‍മ്മാതാക്കളായിരുന്നു നൗഷാദ് ആലത്തൂരും ഹസീബ് ഹനീഫും

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha