ഇന്ത്യയില്‍ ഏകദേശം 5 കോടി രൂപയോളം വില വരുന്ന ബെന്റെയ്ഗ എസ്.യു.വിയുടെ ഒരു ദുബായ് രജിസ്ട്രേഷന്‍ മോഡല്‍ ഡ്രൈവ് ചെയ്യുന്ന വീഡിയോ തന്റെ ഫെയ്സ്ബുക്കിലൂടെ സുരാജ് വെഞ്ഞാറമൂട് പങ്കുവെച്ചിട്ടുണ്ട്.ലോകത്തിലെ ഏറ്റവും വിലയുള്ള ആഡംബര എസ്‌യുവികളിലൊന്നായ ബെന്‍റ്‍ലി ബെന്‍റെയ്‍ഗ ടെസ്റ്റ് ഡ്രൈവ് ചെയ്യുന്ന വീഡിയോ പങ്കു വച്ച് നടൻ സുരാജ് വെഞ്ഞാറമൂട്. ഏകദേശം 4 കോടി രൂപമുതൽ 5.5 കോടി രൂപ വരെയാണ് ബെന്‍റേയ്‍ഗയുടെ ഇന്ത്യൻ വില. എലിസബത്ത് രാജ്ഞിയായിരുന്നു വാഹനത്തിന്റെ ആദ്യത്തെ ഉടമ. അടുത്തിടെ ദുബായ് പൊലീസ് സ്വന്തമാക്കിയപ്പോഴും മുകേഷ് അംബാനിയുടെ പുത്രന് വിവാഹം സമ്മാനമായി ലഭിച്ചപ്പോഴും ഈ വാഹനം വാര്‍ത്തകളില്‍ ഇടംപിടിച്ചിരുന്നു.

ആദ്യമായിട്ടാണ് ബെന്‍റേയ്‍ഗ ഡ്രൈവു ചെയ്യാൻ പോകുന്നത് എന്നു പറഞ്ഞ് തന്‍റെ ഫേസ് ബുക്ക് പേജില്‍ സുരാജ് തന്നെയാണ് ഈ വീഡിയോ പങ്കു വച്ചിരിക്കുന്നത്. ദുബായ് രജിസ്ട്രേഷനിലുള്ള ബെന്‍റെയ്‍ഗയാണ് സുരാജ് ടെസ്റ്റ് ഡ്രൈവു ചെയ്യുന്നത്. ലോകത്തിലെ ഏറ്റവും വേഗമുള്ള എസ്‌‍യുവി എന്ന പേരിലാണ് ബ്രിട്ടീഷ് ആഢംബര വാഹന നിര്‍മ്മാതാക്കളായ ബെന്റ്ലി ബെന്റെയ്ഗ വിപണിയിലെത്തിയത്. കമ്പനിയുടെ ആദ്യ എസ്‍യുവിയാണിത്. പൂജ്യത്തിൽ നിന്ന് 100 കിലോമീറ്റർ വേഗം കൈവരിക്കാൻ വാഹനത്തിന് വെറും 4.4 സെക്കൻഡ് മാത്രം മതി. എസ്‌ യു വിയുടെ പരമാവധി വേഗം 290 കി.മീയാണ്.

ബെന്റെയ്ഗ മള്ളിനര്‍, ബെന്റെയ്ഗ, ബെന്റെയ്ഗ വി8, ബെന്റെയ്ഗ ഡീസല്‍, ബെന്റെയ്ഗ ഹൈബ്രിഡ് എന്നീ അഞ്ച് വേരിയന്റുകള്‍ ബെന്റെയ്ഗക്കുണ്ട്. 6.0 ലിറ്റര്‍ W12 ട്വിന്‍ ടര്‍ബോ പെട്രോള്‍, 4.0 ലിറ്റര്‍ V8 ട്വിന്‍ ടര്‍ബോ പെട്രോള്‍, 4.0 ലിറ്റര്‍ ഡീസല്‍ എന്നീ എന്‍ജിന്‍ ഓപ്ഷനിലുമാണ് വാഹനം നിരത്തിലുള്ളത്. 8 സ്പീഡ് ഓട്ടോമാറ്റിക്കാണ് ട്രാന്‍സ്മിഷന്‍. 6.0 ലിറ്റര്‍ പെട്രോള്‍ എന്‍ജിന്‍ 600 ബിഎച്ച്പി പവറും 900 എന്‍എം ടോര്‍ക്കുമേകും. മണിക്കൂറില്‍ 301 കിലോമീറ്ററാണ് ഇതിന്റെ പരമാവധി വേഗത. 4.0 ലിറ്റര്‍ പെട്രോള്‍ 542 ബിഎച്ച്പി പവറും 770 എന്‍എം ടോര്‍ക്കും നല്‍കുമ്പോള്‍ 4.0 ലിറ്റര്‍ ഡീസല്‍ എന്‍ജിന്‍ 429 ബിഎച്ച്പി പവറും 900 എന്‍എം ടോര്‍ക്കുമാണ് നല്‍കുക.