റാണാ ദഗ്ഗുബാട്ടി നായകനെയെത്തുന്ന ചിത്രത്തിൽ നക്സലൈറ്റായി സായ് പല്ലവി എത്തുന്നു
അൽഫോൻസ് പുത്രൻ സംവിധാനത്തിലൊരുങ്ങിയ 'പ്രേമ'ത്തിലെ മലരായി ജനഹൃദയങ്ങളിൽ ഇടംപിടിച്ച സായ് പല്ലവി വളരെ പെട്ടെന്നാണ് സിനിമ മേഖലയിൽ തിളങ്ങിയത്. നീണ്ട മുടിയും മുഖക്കുരുവും സായി പല്ലവിക്ക് നാച്ചുറല് ബ്യൂട്ടിയെന്ന ലേബല് നേടി കൊടുത്തു.
സിനിമയില് ശക്തമായ നായിക കഥാപാത്രങ്ങളെ തിരഞ്ഞുപിടിച്ച് അവതരിപ്പിക്കുന്ന സായി പല്ലവി ഇപ്പോൾ വേണു ഉദുഗാല സംവിധാനം ചെയ്യുന്ന പുതിയ തെലുങ്ക് സിനിമ 'വിരാട പര്വ്വം 1992' ത്തിൽ നക്സലൈറ്റായി അഭിനയിക്കാന് ഒരുങ്ങുന്നതായാണ് റിപ്പോർട്ടുകൾ.
ചിത്രത്തില് നായക വേഷത്തിലെത്തുക റാണാ ദഗ്ഗുബാട്ടിയായിരിക്കുമെന്നാണ് റിപ്പോർട്ടുകൾ. പോലീസ് ഓഫീസറായിട്ടാണ് റാണാ ചിത്രത്തില് എത്തുന്നത്. തൊണ്ണൂറുകളുടെ കാലഘട്ടത്തിലുള്ള ചിത്രം പോലീസ് ഓഫീസറും നക്സലൈറും തമ്മിലുള്ള പ്രണയകഥയാണ് പറയുന്നത്
പ്രണയകഥയാണെങ്കിലും രാഷ്ട്രീയത്തിനും ആക്ഷനും വളരെയധികം പ്രാധാന്യമുണ്ടെന്ന് സംവിധായകന് അവകാശപ്പെടുന്നു. ചിത്രത്തിന്റെ ഷൂട്ടിംഗ് ഉടന് തുടങ്ങും. ധനുഷിന്റെ മാരി 2, സൂര്യയുടെ എന്ജെകെ എന്നീ തമിഴ് ചിത്രങ്ങളിലും സായ് പല്ലവിയാണ് നായിക.
ധനുഷ് നായകനാവുന്ന മാരി-2 വാണ് സായി പല്ലവിയുടെ റിലീസാവാനുള്ള പുതിയ ചിത്രം. ഇതു കൂടാതെ നിരവധി തെലുങ്കു ചിത്രങ്ങളില് സായി അഭിനയിച്ചു വരികയാണ്.
https://www.facebook.com/Malayalivartha