ബാഹുബലി പ്രഭാസിന്റെ ഹൈദരാബാദിലെ ഗസ്റ്റ് ഹൗസ് സര്‍ക്കാര്‍ പിടിച്ചെടുത്ത് സീല്‍ ചെയ്തു. അനധികൃത നിര്‍മാങ്ങള്‍ തടയാന്‍ എത്തിയ റവന്യൂ വകുപ്പ് വീട് അടഞ്ഞ് കിടക്കുന്നത് കണ്ട് അകത്തേക്ക് കടക്കാന്‍ ശ്രമിച്ചെങ്കിലും ഒന്നിനും കഴിയാതെ വന്നതോടെയാണ് നോട്ടീസ് പതിച്ച് വീട് സീല്‍ ചെയ്തതെന്ന് ഇന്ത്യാ ടുഡേ റിപ്പോര്‍ട്ട് ചെയ്തു. പ്രഭാസ് ഇതുവരെ റവന്യൂ വകുപ്പിന്റെ നടപടിയുമായി പ്രതികരിച്ചിട്ടില്ല.

റവന്യൂ വിഭാഗത്തിന്റെ നടപടി പ്രകാരമാണ് പ്രഭാസിനെതിരെ ഇങ്ങനൊരു നീക്കമുണ്ടായത്. സര്‍ക്കാര്‍ ഭൂമിയിലാണ് പ്രഭാസിന്റെ വീട് നിര്‍മിച്ചിരിക്കുന്നതെന്ന് ഒരു ദേശീയ മാധ്യമം റിപ്പോര്‍ട്ട് ചെയ്തു. 84.3 ഏക്കറോളം വരുന്ന ഭൂമിയിലെ അനധികൃത പ്രവര്‍ത്തനങ്ങളുമായി ബന്ധപ്പെട്ടാണ് റവന്യൂ വകുപ്പ് നടപടികള്‍ തുടര്‍ന്നത്. അനധികൃത ഭൂമിയില്‍ നിര്‍മാണം നടത്തിയ എല്ലാവരും ഇതിനെതിരെ സുപ്രിംകോടതിയെ സമീപിച്ചു. ഈ ഭൂമി സര്‍ക്കാര്‍ അധീനതയില്‍ ഉള്ളതാണെന്ന് സുപ്രിംകോടതി വിധിച്ചു. ഈ പ്രദേശത്തോട് ചേര്‍ന്നാണ് പ്രഭാസിന്റെ ഗസ്റ്റ് ഹൗസെന്ന് റവന്യൂ വകുപ്പ് അഭിപ്രായപ്പെട്ടു.